Popular Bible Verses from Mateo 2

Share

Ban kpɛn' yin la nyɛ biig la nɛ o ma Mɛɛri la, ba igin teŋin pʋ'ʋs o, ka yidigi ba piini tis o, li da anɛ sanlima nɛ frankinsens nɛ mir.

Ba da du'a Yesu nɛ Betilehem teŋin linɛ bɛ Juda sʋ'ʋlimin la, Na'ab Herod n da an na'ab saŋsi'a la. Ka dap banɛ an baŋidib yi ya-nya'aŋi kɛn Jerusalem na bu'osid ye, “Onɛ ka ba du'a ye o niŋ Jew dim na'ab la bɛ yaanɛ? Bɔzugɔ ti nyɛ nɛ o nwadbil ya-nya'aŋ, linzug ka ti kena ye ti pʋ'ʋs o.”

Ban nyɛ nwadbil la, ka ba sʋnya ma'ae. Ka ba maal sumalisim.

Ka Wina'am sa'ali ba zaansʋŋ pʋʋgin ye ba da lɛn lɛb Na'ab Herod san'anɛ. Alazug ka ba luaki lɛbi kuli ba mɛŋ teŋin. Baŋidib la yii gaad la, ka Zugsɔb maliak nie o mɛŋi pa'al Josef zaansʋŋin ka yɛl o ye, “Duom zaŋ biig la nɛ o ma zɔɔ keŋ Egipt teŋin. Zin'inim ani ti paae saŋkanɛ ka m na yɛlif ka fʋ lɛb na, bɔzugɔ Na'ab Herod ieed biig la nɛ ye o kʋʋ o.”