Popular Bible Verses from 1 Reyes 3

Share

Dzáa ti' teen jun p'éel pucsi'ikal ti' u yóol u méektáant a caajal yéetel u ti'al in kaj óoltic ba'ax utz yéetel ba'ax kaas; tumen ¿máax je'el u páajtal u méektáantic le a caajal sen nojocha'?

bíin in beet le ba'ax ta káatajo': Tene' quin dzáic ti' teech kaj óolalil yéetel na'atil je'el bix mix máac yanac ma'ili' síijiqueche', mix bíin yanac pachal ti' teech.

ca tu ya'alaj ti': Bey ma' ta káataj, jun p'éel chowac cuxtal, mix ayikalilo'ob, mix u quíimil a aj p'eeco'ob, ba'ale' ta káataj na'at u ti'al a canic a wu'uy u yúuchul t'aan yéetel u ti'al a méektáane'.

bey xan quin dzáic ti' teech ayikalil yéetel tzicbe'enil, quex ma' ta káataji', tu yo'olal lelo' ti' tuláacal a cuxtale' ma' bíin yanac u láak ajaw je'el bix teche'.

Bey xan wa ca beetic ba'ax in káate' yéetel ca dzo'ocbesic in wa'almaj t'aano'ob, yéetel in tzolbe'en t'aano'ob je'el bix tu beetaj David a taatae', bíin in dzáa ti' teech jun p'éel chowac cuxtal.

Jun p'éel áakabe', te tu caajil Gabaono', Yuumtzile' chíicpaj ti' Salomón ich wayak ca tu ya'alaj ti': Káat ti' teen je'el ba'alac ca wóolte', tene' bíin in dzáa ti' teech.

Teche' Yuumtzil in Ku, dzo'oc a dzáiquen ajawil tu jalach káanche' David in taata, quex tumen chéen jun túulen táanquelem j xi'ipal mix ba'al in wojel.

Yuumtzile' jach utzi tu yu'ubilac le ba'ax tu káataj Salomono'

Salomone' tu núucaj: Teche' utz ta bisajilabáa yéetel in taata David a palitzil, leti' xane' xíimbalnaj yéetel kub óolal, nu'uca'an óolal yéetel tojil cuxtal ta wéetel. Let óolale' ta beetaj nojoch utz ti', ca ta dzaj jun túul u j xibil paal u ti'al j cutal tu jalach káanche', je'el bix dzo'oc u yúuchulo'.

Ba'ale' ta dzajen u ti'al méektáant le caaj ta yéeyaja': jun p'éel caaj sen nojoch, tu yo'olal u ya'abile' ma' tu páajtal u xo'ocol mix u na'ata'al jay túul.