Popular Bible Verses from Matie 6

Share

Kɨtɔ 'nten dasabang i sahn kõɓe loa kɨ nyaɗa kɨdenesew kɨgo ndigt loa, na nyag'n non tube tɔ a adsɨ dɔt.

Kɨtɔ 'nten ot soolɨn dɔ lotit; kɨta loti a sool dɔ nyagt kɨ kɔsɨdɔn. Ke ndɔ kɨɗen kɔr loa asa.

Kɨtɔ 'nten la m'ndɨ m'elsɨn m'an: Ot soolɨn dɔ ndɨsɨt kɨdɔsɨ dõ, kɨta nyasasɨ, ke dɔ dãrosɨt kɨta nyag'n a i lan rosɨt. Kumkajir lo de tɔi nyasa ale? Dãro de tɔ tɔi kub ale?

Na ĩ, lon i ndɨ elta kɨ Luwah a ne, and gɨlelot loi, ut tabit loi, kamla elta kɨ Bɔwi'n ndɨ lo yarot; na Bɔwi'n ndɨ oo nya'n i ndɨ ɗa gid tilt ye, a bajii.

Oon, sumba kad elɨn ta kɨ Luwah titbe: Bɔwj'n i kam dɔrãt dõ, kɨ tɔi to kɨkunjɗang. Kɨ kõɓe loi ɗe. Kɨ nya'n i ndig, kɨ ɗan dɔningt ne, tit kɨ ĩn ndɨ ɗan kam dɔrãt dõ.

Adj nyasaj kɨ ndɔ kɨɗa kɨndɔgndɔg.

I nyàgo majalg loj, tit'n kɨ ndɨ kɨ nyan go majalg lo ngéɗaj majal ye ho

ot kaw sej kad nájɨn, na i taaj ji ngemajalt. Kɨtɔ ĩla kõɓe i loi, kɨ tɔg kɨ kɔsɨgon kɨ mbãkɨnõt. Amin.

Titbe, ĩla i ndɨ i nyan go majalg'n deg ɗan sesɨ kɔ a ne, Bɔwsɨ kɨ dɔrãt kaa a nyàgo majalg losɨ ho.

Oon yelg kɨ dõ, duwɨn kohnya al, jan nyako al, kawɨn nyako kɨ dama al ho, na Bɔwsɨ kɨ dõ dɔrãt ndɨ uld. Ĩn nya kɨ ngãi tɔi yelg ale?

Ot mbõn nyamajg kɨta rosɨ dɔningt ne, lot'n nyõ kɨ nõ ndɨ tujɨn nyat; lot'n ɓogg ndɨ mbut ɓogɨnt tɔ. Na i mbõn nyamajg kɨta rosɨ kɨ kam dɔrãt dõ; lot'n nyõ kɨ nõ a tujɨn nyat al, ɓogg a mbut ɓogɨnt al tɔ. Kɨtɔ lon nyamajg loi i tit a ne, nõ be la ngarkami i tit ye.

De kɨ asɨ ɗa ɓer lo bɨraɓeg joo goto. Kɨtɔ a ɔsɨ ta kɨkɨɗa, na a tar kɨmad, ala, a hɔnooj kɨkɨɗa, na a i kid kɨmad. Asɨn ɗa ɓer lo Luwah kɨ lo Mamõ ad nyamajg, tu joo al.

Mũ kɨ kam gawt'n ɗa ɓola, na loti a lana kam horrt, na Luwah ndɨ laa kub titbe ye la, ĩng tã Luwah a oo gosɨ kɨ kub al yo? Kadkam Luwah losɨ i tẽbe.

Na lon i ndɨ ad nya mad, kɨ i ɗan kɨ ngendo mad a ne, ot kad jigeli ger nya'n jikõi ndɨ ad, kɨtakad kadkari loi i kɨ kad gid tilt. Bɔwi'n ndɨ oo nya'n i ndɨ i ɗa gid tilt ye, a bajii.

Oon go rosɨ maj kad i ɗan nyaɗag kɨdenesew losɨ nõ degt kad oosɨn. Ĩla i ɗan titbe a ne, nyabajisɨ mad goto ro Bɔwsɨt kɨ kam dɔrãt dõ.

Lon i ndɨ ɔgɨn rosɨ nyasa a ne, ot kadɨn takumsɨ hɔndo, tit'n ngéndokumdeg a ɗan ne; kɨta ndɨ lan kumd nat kad deg oon ne kad n'ɔgɨn rod nyasa. M'ndɨ m'elsɨ ta kɨ rota: Deg'n non taan nyabajid woi. Na ĩ, lon i ndɨ ɔg roi nyasa a ne, i wur dɔi kɨ yib, i tugo kumi, kɨtakad deg oon takad ɔg roi nyasa al. Bɔwi kɨɗabe tã la a oo kɨ lo yarot ye. Na Bɔwi'n ndɨ oo nya'n i ndɨ i ɗa gid tilt ye, a bajii.