Popular Bible Verses from Matie 5

Share

De a ndah horr lambat kɨta la girr ngot kɨbo al, na a ndaa dõ dɔ kag nda lambat tã, kad unj dɔ degt tube kɨ kam kujt. I titbe la kɨ adɨn kunjsɨ unjɨn nõ degt kɨtakad oon kɨlaɗasɨg kɨmaj, kad ɔsɨn ne gon bɔwsɨ kɨ kam dɔrãgt dõ.

Ĩn kunj lo deg kɨ dɔningt. Ɓe'n ndahna dɔ mbalt dum yaro.

Ngéronelg la ĩn deg'n kamd janjoi ye, kɨta a oon Luwah.

Ngéronelg la in deg'n ɓo kɨ kɨnda ɗa nya kɨdenesew, ndɨ õd ye, kɨta Luwah a ad'd ndenɨn.

Na mĩ m'ndɨ m'elsɨ: I tarɨn madngétasɨg; i njangɨn dɔ ĩgɨn hã ndɨ ndɔlsɨn, i ɗan maj kɨ ĩgɨn ndɨ ɔsɨsɨn ta, i kɔɔn Luwah kɨta deg kɨ ngédarosɨndo, kɨ ngéndoorsɨ

Ngéronelg la ĩn ngéndog kam ndildt ye, kɨta kõɓe kɨ dɔrãt dõ i lod.

Ngéronelg la ĩn ngéla deg nooj nat kɨ kam kɨsokɨber ye, kɨta a kunɨnd ngan Luwah.

Ngéronelg la i deg'n ndɨ hɔn ndo ye, kɨta Luwah a sɔlkamd.

Ngéronelg la i ĩgɨn deg dan rod ndo kɨta nyaɗa kɨdenesew ye, kɨta kõɓe kɨ dɔrãgt i lod.

Ngéronelg la ĩn ngékookumtondo lo deg ye, kɨta Luwah a oo kumtondo lod.

Ĩn ngéronelg, lon deg a tajsɨn, a dan rosɨ ndo, a elɨn takɨbal kɨ dang dang dɔsɨt kɨta kĩsɨ ngéndoog lom. I ɗan ronel, kɨ kamnda kɨ dumbit. Kɨtɔ nyabajisɨ a i kɨbobe kam dɔrãt dõ, kɨta titbe la dan ne ro ngékeltag kɨ ta Luwaht ndo, ĩgɨn ɗen kete nõsɨt ye.

Ngéronelg la ĩn deg kɨ sayelɨl ye, kɨta Luwah a ad'd õn nduba dɔning kɨgo kunkɔt loa.

Ĩn kat dan degt kɨ dɔningt; na ĩla mɨrã kat goto a ne, ndaa i ɗi a? Maj kɨta nya mad al, na kũa kɔ kad deg ɓan kɨ njad tã koon.

Kɨtɔ 'nten la maj kad ĩ ne deg kɨkasɨnatap tit'n bɔwsɨ kɨ dɔrãt dõ ĩn kɨkasɨnatap ye be ho.

Na adɨn ta losɨ i ãã, ke ã ã koon; ta'n a elɨn tɔi dɔ ĩgɨn non taa ɗe kokɨro ngemajalt.

Oon dɔ elɨn maɗi anan: Kum kɨta kum, ngang kɨta ngang; na mĩ m'ndɨ m'elsɨ, ot ndan ngɨra dɔ det'n ndɨ ɗa sesɨ majal, na ĩla de mad nda kɔti ko kõi a ne, i tel ko kɨ mad ada tɔ.

Na ĩla kumi ko kõi i nya kɨ gai gigt kad i so a ne, ɔrra i laa kɔ sãi; kɨta i sooit kad ngonroi kɨkɨɗa nuj kɔ, tɔi kad lan dãroi kɨtaagbe kam horr Jahanamat. Na ĩla jii ko kõi i nya kɨ gai gigt kad i so a ne, i ganga i laa kɔ sãi. Kɨtɔ i sooit kad ngonroi kɨkɨɗa nuj kɔ, tɔi kad lan dãroi kɨtaagbe kam horr Jahanamat.