Popular Bible Verses from Matiu 16

Share

Gonae Jesu i sine ne qira disipoloro ia, “Ṉalu ka basoe i soko lulu ava era, ia tina vaqoqore tanuna, ina pala koluse ia, mana lulu ava era go.

Iago ma sine nigo Saimon ninidena vitoṉomu, Pita mana aro qo bakoso, mana popokona to bakoso nae era tuna va degere ze go zazu na eklesia era, go karaputa ia le ba kaki pata napu tiniki sivala ne kaega eklesia era.

Era tuna teke nigo aro kii na Too de ikoego vari miasoka ia God, iago pata qoki vamao zego kaega aro vudu pua dena, God i vakaega napu ze tepa rani ne, mana pata qo va mao zego aro vudu pua dena, God tina vamao napu ze tepa rani ne.”

Tanego ka basoe i soko va kavele na too ia, tiniki pala kaega, do ka basoe i va riqo ze too ia sauqu era, tinara za pala too ogoto.

Avana to voli na ṉalu kaki basoe i kone osina pata velaka na kolabana pua ne, go i vana ne too velaka ia na? Kaega so kapata! Mana i kaega napu to kapata tina voli vaule ze go too ianae go.

Gonae Jesu i tana napu ne qira, “Do avigo ramu? Akena tane era qamu go?” Saimon Pita i vataule, “Aro qo Kristo, qo Tuna go God i too sivala go.”

Jesu i vataule ne ia, “Saimon tuna Jon, kula sivala de qo koego aro. Kaega ka basoe na vudu pua dena i va rove zigoe aro, tarove ogoto nae, do Mamae i koe rani ne tane i teke vatotoloṉo nigo aro.