Popular Bible Verses from Matiu 15

Share

Do seko i siporo mego saqe na basoe nae i reqe me nanao na mana iato naeto i mazala go va poṉo na basoe ne. Tanego loborona nanao na basoe i tupi mego nanao sakata ro, gerena vae vale na basoe, taunata, zazu sakata de koe kene basoe, siko, poqe mana pepeu valu qira basoero ne go.

Patagege i keba zago saqe na basoe ne iki mazala kaega nava poṉo go basoe ne, do seko i siporo ego saqe ne tane i mazala go va poṉo go basoe ne.”

‘Basoero dena, iri vamazala ve so era seko ro ria, do loborona puṉu qira, mana nanaoqira i lete laqalaqa nava era. Vazaka iri vae nava go era i patavolomo so, tanego iri vari vatatana ne tamana izazu ne basoe, iri vagere ze tamana ro ria ireqe me de koe God.’ ”

Iago Jesu i sine ne ia, “Aro qo kakia qole i karaputa vaogoto aro! Pata qo soko go aro era tuna teke nigo.” Mana torana to nae sale qole ne i velaka to.

Torana nae qole ne i lama mana koloku tutuṉue makena Jesu mana igo, “Batu! Tavise nava!” Jesu i vataule ne, “Iki totoloṉo kaega na pala go pata gege ria salero ne, mana na teke ne qira go sika ro.” Qole ne igo, “I ogoto sivala, do sika ro iri mazala so ge na lalanuzuruna pata gege ia batu ria i soru ego tevolo ne.”