Popular Bible Verses from MATIE 8

Share

Nɛ Yezu kulu ngɔ, nɛ a tɔ̃ hã wa na: “Gulu kɛ nɛ dɛ kili ní we ge nde? Kɔ̃a we 'da nɛ ma gã̀ gɔ ni we ge nde?” Nɛ a ga bũi do ngele lì, nɛ ngɔ tɛ nɛ gɛ̃ kpi kpi kpi.

Nɛ nwa ngɔ sodanɔ ni gese hã a na: “Nwa, mi wè wi kɛ na, mɔ le kɔ tɔa 'da mi gɔ. Kɔ mɔ tɔ̃́ we kpo iko, nɛ wi toe 'da mi a kpasa sɛ.

Kɔ Yezu nɛa we zele ni, nɛ a ɔngbɔ do lengge 'da nwa ngɔ sodanɔ ni wena. Nɛ a tɔ̃ hã winɔ kɛ wa nɛ 'dɔkɔlɔ a ni na: “Mi tɔ̃ hã nɛ do gbãlã we na, kɛ mi ɔa ngɔ nù Israɛlɛ gbaa gɛ, mi kpà mbe wi kɛ a do kɔ̃a we dɛ 'da mi ɔ nɛ wi gɛ gɔ.

'Do nɛ, nɛ Yezu tɔ̃ hã nwa ngɔ sodanɔ ni na: “Mɔ sí! E kɔ ma dɛ tɛ̃ ɛ we do 'da kɔ̃a we 'da mɔ.” Nɛ do kpo 'da fala ni, nɛ wi dɛa toe 'da wi ni kpasa.

Nɛ wa ɔngbɔ nɛ ge nde ni, nɛ wa ma ngɔ tɔ̃ na: “A gɛ a wio nde? Gɛnɛ kɔ gba bũ do gba lì, nɛ ma zele we nu a.”