Popular Bible Verses from ROMA 4

Share

I sie mang tatapẹ̌ mạngimang dingangu tawe nẹ̌bimbong u kẹ̌don Duata. Kaiso pangangimang sahuneng nahuntinambang katoghase, hakịu i sie měngkate mědẹ̌dalo Ruata. I sie mangkewen mangimang u Ruata mapakasěhụʼu apan seng nikědonʼE.

Batụu Mawu Ruata e něhengetang kere ini si Abraham, ”Iạ seng napakariading kau i amang u kal᷊awọu umatẹ̌.” Kerene Mawu Ruata e něngonggọ kědo ene si Abraham. Kụ i Abraham nangimang si Sie. I Sie kai Ruata kụ mạmiahẹ̌ taumata nate; i Sie kai mal᷊aing Duata kụ kětạeng ual᷊ingu měhengetang seng makariadi apan nạung tala makoạ piạ.

I Yesus e seng nisarakang tadeạu pateěng ual᷊ingu kal᷊awọu rosang kitẹ; mase i Sie niapẹ̌bangung kapia kahian Duata mědeạu i kitẹ e mẹ̌sěngkapia saụ dingangu Ruata.

I Abraham měngkatewe tinalung mělẹ̌harapẹ̌ dingangu mạngimang maning seng lai sal᷊a tạ harape. Ual᷊ingu ene i sie nariadi i Amang u patikụ umatẹ̌. Kerẹe mạbawohẹ su ral᷊ungu Winohẹ Susi: ”Hitenu e sarung mahuntinambang kal᷊awọe.”

Kụ kědon Duata e nẹ̌buạ bọu pangangimang u taumata su Ruata. Ene mariadi sěmbaụ papaiang su patikụ hěnton Abraham u kědo ene nionggọ si sire kere sěmbaụ gaghěllị matagẹ̌ kahian Duata, bal᷊inewe kětạeng si sire apan matuhụ su toratʼu Yahudi kaiso mal᷊aing baugi sire apan měmpangimang su Mawu Ruata mẹ̌sul᷊ung i Abraham mạngimang si Sie. Batụu i Abraham kai i amang i kitẹ kěbị tuhụ marohkẹ̌.

”Kariangkamang taumata apam pẹ̌sasal᷊ane niampungang dingangu kal᷊awọu manga rosane niampungang u Mawu Ruata! Kariangkamang taumata apan dosan sire tawe tatuntukang u Mawu!”

Su ral᷊ungu Winohẹ Susi mạbawohẹ, ”I Abraham nangimang su Ruata, dingangu ual᷊ingu pangangimange ini, i sie nitarimạ u Ruata nakoạ taumata makạl᷊uasẹ̌ naung u Ruata.”