Popular Bible Verses from Popera ga Chantiágu ümatüxü̃ 3

Share

Natürü guxãma ya yíxema aixcüma tüxü̃́ nangẽxmagüxe i ngẽma cua̱x i Tupanawa ne ũxü̃, rü taxuxü̃ma i chixexü̃ taxü, rü tama tanuewa̱xe, rü timecüma, rü itarüxĩnüe i ucu̱xẽgü, rü tangechaxü̃tümüxü̃wa̱xegü, rü duü̃xü̃güétüwa tachogü, rü tixaixcümagü, rü mexü̃ taxügü.

Ngẽxguma chi petanüwa nangẽxmagu i wüxi i duü̃xü̃ i cua̱x nüxü̃́ ngẽxmaxü̃ rü mea naãxẽxü̃ cuáxü̃, rü tama name i nügü nicua̱xüxü̃, natürü nanaxwa̱xe nax mexü̃ i nacümawa pexü̃ nüxü̃ nadauxẽẽxü̃ nax aixcüma cua̱x nüxü̃́ ngẽxmaxü̃.

Rü yíxema duü̃xü̃güxü̃ rüngü̃xẽẽgüxe nax tama nügüchi naxaiexü̃ca̱x, rü Tupana tá tüxü̃ narüngüxẽxẽ nax tataãẽxü̃ca̱x.

Erü ngẽma ãũãchi íngẽxmaxü̃wa rü duü̃xü̃gü nügü írüyexeraxẽẽchaü̃xü̃wa, rü taxuxü̃ma mea inixũ rü naguxü̃raü̃xü̃ i chixexü̃ nangẽxma.

Rü yima tórü conümaxã nüxü̃ ticua̱xüxü̃ ya Tanatü ya Tupana, rü yimamaatama chixexü̃ namaxã tixugüe i duü̃xü̃gü ya Tupana nügüacü üxü̃. Rü ngẽma taa̱xmaxã mexü̃ duü̃xü̃gümaxã taxuegu, rü ngẽmatama taa̱xmaxã chixexü̃ namaxã taxuegu. Pa Chauenexẽgüx, tama name nax ngẽmaãcü yixĩxü̃.

Rü ngẽxgumarüxü̃ ta nixĩ ya tórü conü rü woo nax naxírachiréxü̃, natürü poraxü̃ i orexü̃ nixu. Rü wüxitama i üxüarü ya̱u̱xraxü̃ i íraxü̃wa inaxügü nax yaxãxü̃ i taxü̃ma i naane. Rü tórü conü rü ñoma wüxi ya üxürüxü̃ nixĩ. Rü taxünewa rü wüxi i taxü̃ i chixexü̃ nixĩ ya yimá tórü conü erü nanachixexẽxẽ i guxü̃ma i tórü maxü̃. Rü ngẽma Tupana ngo̱xogüxü̃ ípoxcuexü̃gune ya üxüemawa ne naxũ i ngẽma chixexü̃ i namaxã yadexaxü̃ ya tórü conü. Rü ngẽma chixexü̃maxã nanachixexẽxẽ i guxü̃ma i tórü maxü̃.

Natürü taxúema nüxü̃ tacua̱x nax nüxna tachogüxü̃ ya tümaarü conü. Rü wüxi i chixexü̃ i taxü̃ i taxucürüwama texé iyarüxoxẽẽxü̃ nixĩ. Rü ngẽma norü dexa rü üxüxü̃ i nawa iyuxü̃rüxü̃ nixĩ.

Pa Chauenexẽgüx, tama name i muxẽma i pema rü ngúexẽẽruü̃gü pegü pixĩgüxẽxẽ. Erü pema nüxü̃ pecua̱x i yixema nax ngu̱xẽẽruü̃gü ixĩgüxü̃, rü Tupana rü ngẽma togüarü yexera tá tüxna naca i tórü maxü̃chiga rü tórü puracüchiga.