Popular Bible Verses from MATIUS 13

Share

Nen, awi ekhe kweang fanoma feik lakfesikhe andi ebe re, it afuni ekhe Allah ane andi inesanggo holharesik he, ebe furogo futfugunem, wene andi enggen iterego. Ero ekhe nen enggen 100 itik, ero ekhe nen enggen 60 itik, ero ekhe nen enggen 30 itik, iterek andi aro,” iluk yagaisasikhe.

Nen, awi feik ekhe panggi hokhorogo were'ma lakfesikhe andi ebe re, it afuni ekhe Allah ane andi inesanggo holharesigenat he, inendawimo nen, ”Yogondak ya faget ninggi'nogo hilingisigin he,” iluk menenei ebetik, ”Nangge hokhorogo logoilebe,” iluk inendawimo ebetik, inonggwaregen laligik, agarek andi nen he, wene andi ero kanggil agaresik he, enggen iterek lek andi aro.

Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

Nen, awi feik ekhe helep oba lakfesikhe andi ebe re, it afuni ekhe Allah ane andi inesanggo holharesik he, inendawimo inagaiyek hikhi logolik weak-weagat wanharesigenat he, wene andi inendawinggenma omanggen yati'legen he, endebat were'ma nen, afuni ekhe nen Allah ane andi faget yi enggin ti enggin inoba figik, weagerinafik, ugunem he inendawimo fageat puk agaresik wene andi herakfisaluk wulifarek andi aro.

A'nogo yagaisasikhesik he, ekhe mel yagaisasikhe: ”At Allah nen awe a'ma fisikherek andi ebe re, mel hangge. Fano mene onggo hokho mene yabumo kweangma salek hinago were'ma re, ap ekhe nen herakfuluk he, endawimo agaiyek anggasikhesik he, ambotkwe kweang salogo hinakfuluk aiba lagaikhesik, agarek yi mene ti mene it ekhe inoba onggo palogo waluk, fano mene andi helageluk ambotkwe wagaikhesik yabu andi onggo fesikhe andi hangge aro,” iluk yagaisasikhe.

Nen, enggen ekhe kweang fanoma pilik lagaikhe mene re, fulelhikhesik ebe hokho agaikhesik enggen hokhorogo itikhe. Ero ekhe enggen 100 nen itikhe. Ero ekhe enggen 60 nen itikhe. Nen, ero ekhe enggen 30 nen itikhe.

Gandum enggen oan palhi'le'ma re, inom a'nogo mangorogo lagakhi logouwago. Nen, enggen palugun higit aga halok he, an nen it ap enggen palharek mene yagaisikhi logolik: Engga weak mene andi endu nolfisouwogen he, andi tak henegeisogo hele homagaisogo fembigen, fano mene andi andogorogo figirek oba andoma feni o,” iluk yagaisagain, iluk amingmingengge mene omanogo yagaisasikhe,” iluk Yesus nen yagaisasikhe.