Popular Bible Verses from 1 Pita 2

Share

Kaunah manna laih sulani as manawalwi yakna, sumalyang as king dini yamna atnin, nisan as holi, tawan as Papang yaklau duna kidika. Dawak adika dini laih aput ki Papang warkni taldas dini balna yamna kidika yulna atnamna yulni, witing yaklau manayulna puksani kidika kaupak alahwa witing yaringni taldas dini kidika yakat āwana atnamna yulni.

Krais yaklau mayang madutki balna kidika duwi kiuna pan prihni kidika minityakat, mayang laih dutni yakat dauna atnin dawak bik sangka lani as barangni yalahna atnin yulni. Krais laih muihni nuhni kidika kaldakna dai manna yamni alahwana atnamna kidika yulni. Bahang manna laih muhnilau kau sihm sīp didisna kapat mana dai, kaunah waralaih Krais yakat wirlawanamana, sihm sīp maintalyang as kapat mainmanatalwa kidika.

Manna laih muhnilau kau tawan bik awasmana dai, kaunah waralaih Papang tawanni mana; muhnilau laih Papang yaklau manna yakat mamaknakun manatalwas dai, kaunah waralaih mamaknakun manatwi.

Muihbinina wisam batatahnna kapat, dukih waltanauh spirit taniwas maisihni dis kidika, kidika munah manna barakna atnamna dawak laihwi yaknin lani kidika bik duna atnamna

Yang wanaih ki dalani balna, kalmana dinit buktayang, pa ūk muihni balna mana yakat, muihmana nuhni dukih manawa kidika yaklau solmana niningyakat kalbauwa kidika kaldadawinih. Papang yakat kukulwas muihni balna kidika pasyakat yamni lapaktanauh. Kaput laih witingna, waradika manna namangna yakat yuyulwarang bik manna laih sihm dutni yamyang balna mana kapat, witingna tatalwarang manna di yamni yamtamana kidika dawak Papang yakat ayangni nuhni yayamwarang witing yaklau muih balna bitik yakat diyulwi dakawarang mani.

Aput laih, Papang yaklau manna kidika sihm kipala sangka, makat yulnin spiritni ūni, sumalyang as holi kapat manayamna karang, Jisas Krais munah spirit niningyakat sakripais yamna atnin, Papang yamni talna atnin.

Kaput bahang, di dudutni balna, alas yulnin, sins dis lani dawak tumnin, dawak muih yulni yulwi karinin satni balna bitik kaupak dakta alahwanauh.

Bahang Krais yaihnit yakat aiwanauh, kipala sangka as muih balna yaklau ruhmwi yayakna kidika, kaunah Papang niningyakat laih kipala as walwi yakna ki dawak bik minit nuhni kalkulna ki.

Muih pri balna kapat awanauh, primana lani kidika data dutni yamnin laih kukulwinih. Papang dini yamyang balna kapat awanauh.

Kat Papang laih dukih kalwi manna kidika di yamni yamna atnamna, kaput karak di amanglalawas dawak mutu balna kidika bik manna namangna yakat di as bik yulwas atninna.