Popular Bible Verses from MATEUS 3

Share

Baen hamu ma pangalaho na pataridahon na dung muba rohamunu, sian angka dosamunu.

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

Dung sidung dididihon, manigor ruar ma Jesus sian batang aek i. Ompot ma mungkap langit, diida Jesus ma Tondi Ni Debata mijur songon darapati, songgop tuSia.

Anggo au, aek do hudidihon tu hamu. I ma pataridahon na dung muba rohamunu sian angka dosamunu. Tapi anggo na giot ro i di pudingku, Tondi Na Badia dohot api do didihononNia tu hamu. Gumodang dope Ia sian au. Hum mambuka tali ni sipatuNia pe tehe nada tuk dope au.

Madung singkop kampak laho manaba hayu di uratna i. Sude hayu na so denggan parbatuna, sitabaon ma i, jana niambungkon tu api.

Si Johannes on ma na nidok ni Panurirang Jesaya di angka hatania on, “Adong ma sada halak na pio-pio di halongonan, ‘Pauli hamu ma dalan ni Tuhan; pahornop hamu ma dalan na giot bolusonNia.’ ”