Popular Bible Verses from MATEUS 2

Share

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

Di kota Betlehem do hasosorang ni Jesus, i ma kota na di Luat Judea. Si Herodes do raja ni luat i di hatiha i. Jadi ro ma di hatiha i piga-piga halak angka parilmu bintang sian Habincaran tu Jerusalem. Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

Jop situtu ma roha ni halahi dung marnida bintang i.

Laho mulak halahi tu kotana, inda sian dalan na parjolo i be dibolus halahi. Angke ro do Debata paingotkon halahi markite-hite nipi, anso ulang be mangulahi halahi mandapotkon si Herodes. Dung kehe parilmu bintang i, diida si Josep ma sahalak surusuruan di bagasan nipinia. Didok surusuruan i ma tusia, “Jongjong ma ho, boan ma Dakdanak i dohot inangNa i mangungsi tu tano Mesir. Disi ma hamu maringanan lopus ro Au mangulahi mangkatai dohot ho. Harana ditahi roha ni si Herodes do manjalahi Dakdanak i laho mamunusa!”