Popular Bible Verses from EVASELIO A MATEO 5

Share

pea e mole anai tutu he malama ke puloui aki he foi kesi, kae e hili ia ia ki oluga o te hiliaga malama, pea e ina fakamalamai anai natou fuli ae e nonofo i te loto fale. Ke mu tokotou malama ia mua o te u tagata, o tupu ke natou sisio ki akotou gaue lelei, pea ke natou fakakololia ki takotou tamai ae e nofo i te atu lagi.

Ko te malama koutou o te malamanei. Ko he kolo ae e tuu i oluga o he mouga e mole feala ke ugia

Manuia natou ae e loto maa, koteuhi e natou sisio anai ki te Atua!

Manuia natou ae e fia kai mo fia inu ki te faitotonu, koteuhi e natou makokona anai!

Kae ko au, e au ui atu kia koutou: Kotou ofa ki okotou fili, koutou tapuaki kia natou ae e natou tutuku koutou, koutou fai te mea ae e lelei kia natou ae e fehihia mai kia koutou, pea koutou hufaki natou ae e agakovi mai kia koutou pea mo fakatagai koutou

Manuia natou ae e masiva i te loto, koteuhi e fakalogo kia natou te puleaga o te atu lagi.

Manuia natou ae e natou ave te tokalelei, koteuhi e fakahigoa anai natou ko te u foha o te Atua!

Manuia natou ae e loto mamahi, koteuhi e fakapelepelei anai natou!

Manuia natou ae e gaohi kovii o tupu ko te faitotonu, koteuhi e fakalogo kia natou te puleaga o te atu lagi!

Manuia natou ae e manavaofa, koteuhi e natou mau anai te manavaofa!

Manuia anai koutou, moka tauvelei anai koutou, moka gaohi kovii anai koutou pea moka lau anai kia koutou ni kovi kehekehe i te loi, o tupu ko au. Kotou fimalie pea kotou fiafia lahi, koteuhi e lahi anai tokotou fakapale i te atu lagi; koteuhi nee fena foki te gaohi kovii o te kau polofeta ae nee muamua atu ia koutou.

Manuia natou ae e agamalu, koteuhi e natou mau anai te kele!

Ko te masima koutou o te kele. Kae kapau e puli te konakona o te masima, e konakonai anai ia ia aki tea? E aoga pe ia ia ke li ki fafo pea ke malamalaki e te u tagata.

Koia ke kotou lelei tukupau, o hage ko takotou Tamai i selo e lelei tukupau.

Ko takotou io ke io, pea ko takotou kailoa ke kailoa; ko te mea ae e ina fakalahi ia ia e hau mai te pule kovi.

Kua kotou iloi nee fakaha: Mata ki te mata, nifo ki te nifo. Kae ko au, e au ui atu kia koutou ke aua naa kotou fakatutuu ki te tagata agakovi. Kapau e paaki koe e he tahi i tou kauahe matau, tuku age kia ia te tahi kauahe.

Kapau e fakatupu higa kia koe tou foi mata matau, kapei ia ia o li mamao maia koe; koteuhi e lelei age kia koe ke mate he koga e tahi i ou koga sino, kae ke aua naa li tou sino katoa ki te afi. Pea kapau e fakatupu higa kia koe tou nima matau, tuusi ia ia o li mamao maia koe; koteuhi e lelei age kia koe ke mate hou koga sino e tahi i ou koga sino fuli, kae ke aua naa li tou sino katoa ki te afi.