Popular Bible Verses from Lucas 17

Share

Tsay runatam nirqan: <<Sharkur aywakuy. Confiakunqaykipitam kutikashkanki>>.

Juk junaqllachö qanchis kuti contrayki mana allita ruraskir qanchis kuti <perdonaykamay> nishuptikiqa perdonanki>>.

Kutikashqana kanqanta tantiyaskirmi jukaqllana Dios Yayata alabarnin jinchi qayaykachar Jesúsman kutirqan. Chaykurnam urkunpis patsaman chanqanyaq Jesúspa puntanman qonqurikuykur <<¡gracias, taytay!>> nirqan. Tsay runaqa Samariapitam karqan.

¡Tsaynö kaykaptinqa cuidädutaq pitapis jutsaman ishkitsiyankiman! <<Runa majiki mana allita rurashuptiki, piñaparnin plëtunki. <Perdonaykallämay> niyäshuptikiqa perdonanki.

Jesúsnam nirqan: <<Kutikaqkunaqa ¿manaku chunkaq kayashqa? ¿Maytan wakinqa?

Señor Jesúsnam nirqan: <<Mostäzapa murunnö ichikllapis creyikuynikikuna kaptinqa kay sicómoro jachata <kaypita tirakaskir lamarman jawikay> niyaptikipis cäsuyäshunkimanmi>>.

Kawayninta salvayta munaqkunam kawayninta oqrayanqa. Kawayninta oqraqkunam sïqa kawayninta salvayanqa.

Tsaypitanam discïpulunkunata Jesús nirqan: <<Runa majinta jutsaman ishkitsiqkunam imaypis kayanqa. Peru ¡allaw, pitapis jutsaman ishkitsiq runa! Juk wamrallatapis jutsaman ishkitsiptinqa mas allim kanman mulinu rumita kunkanman watarkur lamarman jitarpuyaptin.

<<Noé kawanqan witsay runakuna kawayanqannömi Runapa Tsurin shamunqan witsaypis kawayanqa. Arcaman Noé yaykunqan junaqyaqmi runakuna mikur, upyar y casarar kayarqan. Tsaynö kaykäyaptinmi diluviu shamur llapan runakunata jankat ushakaskatsirqan.