Popular Bible Verses from Matiu 5

Share

Oye ólho dị kạsu ọtozi, kụ akpereghiom igbe. Kạḅam ghan ghụn ạnyu, pịdi asoor aleeny oomo otu phọ. Ạḍiḅaal phọ anyina ẹtuugh ịdipho phọ ẹmhu aani ghisigh awe, pịdi bịdi ọmiin iiḅi iiḍighi phọ anyina kụ oboom Ọde phọ anyina odi bọ kꞌạke phọ!”

“Nyina kụ ạḍiḅaal awe ịsien aḅirini phọ. Ẹmha dị ọlogh ạnyu eegbolom rẹ́booghian ghan.

Iboh kꞌẸnaan edianaan ni we dị iloghi phọ ẹserere; bịdi kọmiin ni Ẹnaan.

Iboh kꞌẸnaan edianaan ni bụphe rẹpu bọ oḍighi ịpe Ẹnaan rẹwa bọ oomo amem; Ẹnaan kemuzeḍinaan ẹgbaanyemi ni bịdi.

Kụ mị rịḅeni ghan inyina mọ ịpomoghian bụmulogh-ḍien anyina, kụ ẹeḅereghi ghan ẹngo bụphe rịgbiphoghom bọ inyina

“Iboh kꞌẸnaan edianaan ni bụphe ologhoma bọ mọ ẹkparam ni ruwaloor phọ ạbuno; ọmar phọ kꞌẸnaan ọlo ạbidi ni.

Iboh kꞌẸnaan edianaan ni bụphe rọḅem ghan bọ mọ kísoor phọ; Ẹnaan kekol li bịdi mọ ạnmuny ọno.

Iboh kꞌẸnaan edianaan ni bụphe odi bọ ọto; Ẹnaan kẹedereghi ni bịdi.

Iboh kꞌẸnaan edianaan ni we dị ọtuan oḍighi ghan ịpe Ẹnaan rẹwa bọ kụ rọmiinom; ọmar phọ kꞌẸnaan ọlo ạbidi ni.

Iboh kꞌẸnaan edianaan ni bụphe rọnma ghan bọ ighirigiir phọ; Ẹnaan kẹnma ni bịdi ighirigiir.

“Iboh kꞌẸnaan idianaan inyina mem dị awe ụtuan ịmi kụ rịgilaam inyina, ḅịle kẹn rịgbiphoghom inyina, kụ rịgbaanaan inyina oomo ịkaraph ạsiagba. Iboh ni, ẹmoogh ọḅaal ologhi loor esi aruunmo phọ kiinmo bọ inyina ẹpe kꞌạke. Ịdipho kụ ịdi ọgbiphoghom bọ ni riil phọ ạbuphe ọrol bọ kụ egbi bọ ọteeny amem mọ anyina.”

Iboh kꞌẸnaan edianaan ni bụo osooromi aloor phọ; bịdi kọmoogh ni ịpe Ẹnaan eguanaan bọ

“Nyina kụ aboph awe ịsien aḅirini phọ, kụ eḍighi ịyaar dị eroph aboph phọ mephe, kọḅile otophomiom eeghe? Ọ́moogh mun mạar oḍighinom, emuton dị kozu bịn awe ọozeghiom ruwol.

Iseleman, ịdipho Ọde phọ anyina odi bọ kꞌạke phọ aseleman bọ.”

Kụ ọghaaph anyina aḍighi ghan mọ ii, pọ ii, eeye, pọ eeye! Tọrobo ịyaar lọ epel ịphen, pọ ịḍua esi Eru kụ emite.”

“Nyina mẹnaghan ghan ni mọ gediidi ụḅeni ni we mọ ọkpiom ghan ekpeḍien rꞌekpeḍien, ọkpiom ghan ọlaay rꞌọlaay. Kụ mị rịḅeni inyina mọ kéḅulemian ghan ịkaraph oye, kụ oye lọ aḅor okpo elhiom ạna, pọ ngọ nyọdi nyọpo ekeeny phọ ọdi ạḅile aḅor.

Loor ịphen phọ, mụghumo ekpeḍien elhiom ạna kụ rẹphue nyịna, pọ pọghoronaan aroph. Kẹnighe epu dị aloor phọ ạna ímunughan kụ nạ agheel kꞌạke, kpạripe rꞌomunughan kụ osumeeny nyịna ooni ạnian. Mọ ạḍighaagh elhiom ạna kụ rẹphue nyịna, pọ soph aroph. Kẹnighe epu dị aloor phọ ạna ímunughan kụ nạ agheel kꞌạke, kpạripe rꞌomunughan ạraghaagh kụ osumeeny nyịna ooni ạnian.”