Popular Bible Verses from MATTHEW 14

Share

Edi ke ini enye esede ofim, ndik anam enye: enye onyuŋ ɔtɔŋɔ ndideŋ, onyuŋ ofiori ete, Ɔbɔŋ, nyaŋa mi. Edi idaha oro Jesus anyanare ubɔk omum enye, onyuŋ ɔdɔhɔ enye ete, O afo owo ekpri mbuɔtidem, nsidi ntak afo eyikde?

Edi ke ini enye esede ofim, ndik anam enye: enye onyuŋ ɔtɔŋɔ ndideŋ, onyuŋ ofiori ete, Ɔbɔŋ, nyaŋa mi.

Edi idaha oro Jesus etiŋ ikɔ ye mmɔ ete, Esɔŋ esit; edi Ami; ekufehe ndik.

Edi Peter ɔbɔrɔ Enye ete, Ɔbɔŋ, edieke edide Afo, kot mi nsaŋa ke enyɔŋ mmɔŋ ntiene Fi. Jesus ete enye, Di. Ndien Peter ɔsuhɔre ke ubom, onyuŋ asaŋa ke enyɔŋ mmɔŋ, ete itiene Jesus.

Edi mmɔ emi edude ke ubom etuak ibuot enɔ enye, ete, Ke akpanikɔ Afo edi Eyen Abasi.

Edi Jesus ɔdɔhɔ mmɔ ete, Mmɔ ekukpa ndinyɔŋɔ; mbufo enɔ mmɔ ŋkpɔ edia. Edi mmɔ ete Enye, Nnyin inyene mi uyo ition ye iyak iba ikpɔŋ.

Enye ete mmɔ, Eda mmɔ esɔk Mi mi. Ndien Enye ɔnɔ mme otu owo uyo, ete, esuhɔre etetie ke mbiet; onyuŋ emen uyo ition ye iyak iba oro, emenere enyin ese enyɔŋ, ɔdiɔŋ mmɔ, onyuŋ obuŋ uyo, ayak ɔnɔ mbet, mbet enyuŋ eyak enɔ mme otu owo.

Ndien mmɔ kpukpru edia eyuhɔ, mmɔ enyuŋ etaŋ mbubek uyo eke esuhɔde, edɔŋ ke akpan duopeba eyɔhɔ.