Popular Bible Verses from MATTHEW 13

Share

Enye emi esuande mkpasip ke eti isɔŋ, edi owo emi okopde ikɔ onyuŋ ɔfiɔkde se enye ɔwɔrɔde; emi onyuŋ osioŋode mfri ke akpanikɔ, onyuŋ oŋwumde idem, ndusuk utim ikikie, ndusuk utim ikaata, ndusuk utim ikedip ye duop.

Enye emi esuande mkpasip ke ufɔt ikɔt ŋkukim, edi owo emi okopde ikɔ; ndien ekikere ŋkpɔ eyo emi ye abiaŋa inyene ababa ikɔ oro owot, ntre ke enye akabare anana mfri.

Ke ini owo ekededi okopde ikɔ Obio Ubɔŋ Heaven, minyuŋ ifiɔkke se ɔwɔrɔde, andidiɔk edi editaŋ se ekasuande ke esit owo oro. Emi edi enye emi esuande mkpasip ke mben ɔkpɔusuŋ.

Enye emi esuande mkpasip ke isɔŋ itiat edi owo emi okopde ikɔ, onyuŋ ɔbɔde enye ini kiet ke idaresit; edi enye inyeneke oruŋ ke idem esie; ntre ke enye ebigi ke ini esisit; edi ke adaŋemi ukut mme isin-enyin otibede ke ntak ikɔ oro, idaha oro enye ɔduɔ.

Obio Ubɔŋ Heaven ebiet inyene eke odibede ke iŋwaŋ; emi owo kiet okutde, emen, odip; ndien ke idaresit esie, aka akanyam kpukpru se enye enyenede, edep iŋwaŋ oro.

Mmɔ eken eduɔŋɔ ke eti isɔŋ, enyuŋ efiari mfri, ndusuk eŋwum ikikie, ndusuk ikaata, ndusuk ikedip ye duop.

Eyak mmɔ mbiba ekɔri ɔtɔ kiet tutu osim ini ukpeŋe; ndien ke ini ukpeŋe nyenɔ mbom ukpeŋe uyo, nte, Ebem iso etaŋ idiɔk mkpasip ebɔp ke ebek, man efɔp ke ikaŋ; edi editaŋ ibokpot ekonim ke ubet-udia mi.