Popular Bible Verses from Marko 6

Share

Mʋ́ ɔma a, aha bʋna amʋ́ wa alɩɩ, bʋmenya ɔkpa gyi atɔ kʋraa. Mʋ́ sʋ ɔlɛbla amʋ́ ɔbɛɛ, “Mlɩha ayɔ ɩtsɛtɔ flɛɛn, ayɛda ɔkpʋnʋ.”

Yesu lɛbla amʋ́ ɔbɛɛ, “Aha bʋtobu Bulu ɔnɔsʋ ɔtɔɩpʋ ɔtɩnɛgyiɔtɩnɛ. Tamɛ mʋ wulutɔfɔ, mʋ abusuanfɔ pʋ́ mʋ woyitɔ aha mʋ́ bʋtamabu mʋ.”

Brɛá Yesu lɛkplɩ dalɩ ɔklʋn amʋtɔ, wun ɔdɔm kpɔnkpɔɔnkpɔntɩ amʋ a, amʋ́ asʋn lɔwa mʋ nwɛ, tsufɛ bʋgyi fɛ akufa ánɩ́ bʋma ɔkpapʋ. Mʋ́ sʋ olosuna amʋ́ atɔ tsɔtsɔɔtsɔ.

Ɩnɩá bʋmɔhɔ mʋ gyi sʋ a, ɔmɛtalɩ bwɛ ofula kʋkʋ, dʋn aha kpalobi akʋsʋ ɔlɔpʋ ɩbɩ dɩnka tsa amʋ́ ɩlɔ. Ɩlɔwa mʋ ifu ánɩ́ bʋmɔhɔ mʋ gyi. Yesu leki nkuda ánɩ́ ɩbʋ bomli ɩnʋ asɩ, ɔdɛ atɔ suna.

Ɩnʋ olotsu bodobodo anu pʋ́ ntsutso iye bwahɛ anyɔ amʋ. Mʋʋ olotsu ansɩ fʋa kɩ ɔsʋsʋ, ɔlɛda Bulu ɩpan. Ɩnʋ olebiabia bodobodo amʋ ha mʋ akasɩpʋ amʋ ɔbɛɛ, bʋye ha amʋ́. Oleye iye bwahɛ anyɔ amʋ ɛ ha amʋ́, bɔpʋha aha amʋ. Amʋ́ fɛ́ɛ́ begyi mwɛ sian. Akasɩpʋ amʋ bɔtɔsɩ bodobodo mʋ́a iye sianhɛ amʋ a, ɩlɔbʋla alakpa duanyɔ.