Popular Bible Verses from UMÁTIYU 2

Share

É le tá ipú inu ā, anɔ́ɔ é le ɔyí ā mɛ́mla ɛ́nɛ́ nū, Umerí, má á. É le okwúukwu kpó kwajɛ, lɛ ɛ̄gbā gbā ɔ̄. É kē lɛ ɛga nēé kpó agbénú kú uwā tū ā nwūla, anɔ́ɔ é le ɛhi kú ugóolu, mɛ́mla ufránkīnsɛns mɛ́mla umáar kpó lɛ ɔ́ á.

É ma Ujísɔ̄si Ubɛ́tlɛhɛ̄m kú Ujudíya, eko nɛ̄ Uhérɔ̄du ce ɔcɛ́ ā. Eko kpiíí ācɛ ojéeyī gā Ujerúsālɛm ŋmá ɛnɔ̄ɔ̄cī kéē wā í má ɔyí nēé ma ā. Anɔ́ɔ é da ɔ̄kā kahíníī, “Iní nēé ma ɔ̄cɛ nōo wɛ ɔcɛ́ kú ācɛ Ujíyu ā? Alɔ má ínyílɔ́wɔ ocābɔ̄ kú nū ɛnɔ̄ɔ̄cī. Alɔ kē wā gaá tá ɔ̄ ɔ́gbá.”

Eko nēé lɛ ínyílɔ́wɔ nōo ŋmá ɛnɔ̄ɔ̄cī ā má āa, é gwéeyē nɛ̄ɛ̄nɛ̄hi.

Abɔ̄ é lɛ ukɔ́ tū uwā ipú ɔ̄na kéē híīī pīyɛyí bū ɛgiyí Uhérɔdu ŋ́ mā ā, é kwúcē le yɛ ɔwɛ ɔhá ga ajɛ ɔlɛ́ uwā. Eko nēé nyɛ̄ɛ̄ ā, éyi kú alelékwū-ōtɛ̄hɔ̄ kú Óndú ā wā ɛgiyí Ujósɛ̄fu ipú ɔ̄na gaá da ɔ́ kahíníī, “Cāŋjɛ kú ā kwú ɔyí ā mɛ́mla ɛ́nɛ́ nū ú ká ā le kwu ga ajɛ Íjīpiti. Cɛ́ɛ́ ká ā yɔ̄ abɔ́ɔ gbéeko nɛ̄ n da uwɔ ka a nyɛ̄ɛ̄. Ohígbū ka Uhérɔ̄du géē tíne ɔyí ā kóō lɛ ɔ́ ŋmó.”