Popular Bible Verses from MATAIO 14

Share

I te iloaga ne Petelu i te matagi ko agi malosi, tupu ake ei mo tena mataku, kamata eiloa o apulu ki lalo, kae kalaga atu penei, “Te Aliki, fakaola mai au.” Tela, 'kapa atu ei a te lima o Iesu o puke ki a ia, kae fai atu, “A tou fakatuanaki, ko oko eiloa i te foliki. Ai a ne fakalotolotolua ei koe?”

I te iloaga ne Petelu i te matagi ko agi malosi, tupu ake ei mo tena mataku, kamata eiloa o apulu ki lalo, kae kalaga atu penei, “Te Aliki, fakaola mai au.”

I kona foki eiloa, faipati atu ei a Iesu ki a latou, “Ke loto ma'losi koutou, sa ma'taku, me ko au eiloa tenei.”

Kae ne tali mai a Petelu ki a ia, “Te Aliki, kafai ko koe eiloa tena, fai mai sau fakatonuga ke fanatu au ki a koe i luga o te vai.” Ne tali atu a Iesu, “Vau”. Tena sopo ifo ei Petelu mai luga o te poti o sasale ki a Iesu i luga o te vai.

Ka ko soko kola ne i te poti, ne tapuaki atu ki a Iesu, olotou muna, “E tonu eiloa ia koe ko te Tama a te Atua.”

Ne tali atu a Iesu, “E se 'tau latou o olo keatea; tuku atu ne koutou ne meakai ma latou.” Ne tali mai latou ki a ia, “E lima faeloa omotou falaoa konei mo ika e luagamata.”

Ne tali atu a Iesu, “Aumai ki a au a mea kona.” Ne fakatonu ne ia a te vaitino ke 'nofo ki lalo i mouku, puke ake ei a ia ki falaoa e lima mo ika e lua, ne kilo ake ki te lagi o fakafetai ki te Atua. Ne tofitofi ne ia falaoa, kae tuku atu ki ona soko ke tufatufa atu ki tino.

Ne 'kai katoa, ko ma'kona; 'fao ake ei ne latou a tapola e sefulu lua, ko fonu i toega meakai.