Popular Bible Verses from مَاتِيُ 2

Share

ندٜ ٻٜ نَتِّ وُرٛ نغٛنْ، ٻٜ تَوِ ٻِنْغٜلْ نغٜلْ اٜ مَرْيَامَ مَدُوجٛ مَاغٜلْ؞ ٻٜ ندِشِّ ٻٜ مَوْنِنِنغٜلْ، ندٜنْ ٻٜ ڤِتِّ دٛݝْلٜ مَٻّٜ ٻٜ کٛکِّنغٜلْ شَاحُ جِينَارِ، اٜ اُرْدٜ وٜلْندٜ بِعٜتٜىٰندٜ فِرَنْکِسٜنْ، اٜ نٜبَّمْ اُرٛوجَمْ بِعٜتٜىٰطَمْ مُرْ؞

غَطَ يٜىٰسُ دَݧَامَ اٜ غَرِيرِ بَيْتَلَامِ ندٜرْ لٜيْدِ يَحُودِيَ، ندٜرْ شَرٜلْ نغٜلْ حِرُدُسْ لَامٛتٛ، وٛٻّٜ اَنْدَنْٻٜ کٛودٜ دَغَ فُونَ ٻٜ نغَرِ اُرُشَلِيمَ، اٜ ٻٜ پَمَ، ‏«‏تٛيٜ اٛنْ طٛنْ دَݧَاطٛ لَامِيطٛ يَحُودَنْکٛعٜنْ؟ نغَمْ مِنْ نغِعِ حٛودٜرٜ مَاکٛ دَغَ فُونَ، مِنْ نغَرِي مِنْ مَوْنِنَمٛ؞»‏

ندٜ ٻٜ نَنِ کٛ لَامِيطٛ اٛنْ وِعِ، سٜيْ ٻٜ نَنْغِ لَاوٛلْ؞ ندٜ ٻٜ نغِعِ حٛودٜرٜ ندٜنْ، ٻٜ نَنِ بٜلْطُمْ نَاع سٜطَّ؞ حٛودٜرٜ ندٜنْ اَرْدِيٻٜ نَاکِ ندٜ دَرِ دٛوْ تٛ ٻِنْغٜلْ نغٜلْ وٛنِ؞

ندٜ اَللَّه حَطِيٻٜ ندٜرْ کٛيْطٛلْ تٛع ٻٜ شٛعّٛو تٛ حِرُدُسْ، سٜيْ ٻٜ تٛکِّ لَاوٛلْ فٜىٰرٜ ٻٜ شٛعِّ لٜيْدِ مَٻّٜ؞ غَطَ اَنْدَنْٻٜ کٛودٜ ٻٜنْ ندِلِّ، سٜيْ مَلَاعِکَاجٛ جٛومِرَاوٛ وَنْغَنِ يُسُفُ ندٜرْ کٛيْطٛلْ، وِعِمٛ، ‏«‏اُمَّ کٛشَّا ٻِنْغٜلْ نغٜلْ اٜ مَدُوجٛ مَاغٜلْ ندٛغَّا نجَحَا لٜيْدِ مَسَرْ؞ نجٛوطٜىٰ تٛنْ نَا مِ وِعِيعٛنْ نغَرْتٛنْ، نغَمْ حِرُدُسْ اٜ يِطِ طَٻِّتَ ٻِنْغٜلْ نغٜلْ نغَمْ اٛ وَرَنغٜلْ؞»‏