Popular Bible Verses from Luuka 4

Share

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha. A isooergate ꞌdee guꞌhi Kamur haaggiis ꞌdooꞌd tuso icheeka.”

Yeesso wihi us ilaabe “Wihi chiiran, ‘Kamuri Waakkhaahe waho, toro la usu kalday on ihil!’ ”

Yeesso wihi us ilaabe, “Chiirnaanneti Waakh wihi kachiiran, ‘Weeli enenyet golol kalday mee kanoolyahe!’ ”

Yeesso usuhi Rubeyti Munyee buuhisse hawti Yoordane ꞌdusso kasoonokhte, Rubeyti Munyee la woyte hidaad geesse.

Yeesso wihi us ilaabe, “Chiirnaanneti Waakh mehe tadeeh ya, ‘Kamuri Waakkhaahe kajme agelin.’ ”

Inkoo Seytaan Yeesso kajmeta uskeel kaluguꞌddo tuumman kakaje ka, katabe ibeenki leemujjume leesuge.

Seytaan toro Yeesso intoo deer iwoye, koloo kalday on yaafohi harra tuumman tuse. Seytaan la wihi us Yeesso iyidah, “Anto ichoow kamurroonki yaafoha tuumman a kisiicha. Iꞌdi tahe ani liisiiche, eti an siin ꞌdoono la ani on siicha. ꞌDeerka chirri at iwahatte waha tuumman wahaahha yateehiin.” Yeesso wihi us ilaabe “Wihi chiiran, ‘Kamuri Waakkhaahe waho, toro la usu kalday on ihil!’ ”

Seytaan toro Yeesso ilkerengeetti weene Yeerusaleem iwoye, minki Waakhe buure guutiis korche, wihi us iyidah, “Chirri at Weeli Waakh tahe, inta kanyaam. Iꞌdi tahe Chiirnaanneti Waakh wihi kachiiran, “ ‘Waakh hertiis amure ibahcha, iche la mujjum kiyaakhissa. Iche la dahanohiche ka serey kiokkhissa, uus ꞌdee luhtaah dagah guꞌddine.’ ” Yeesso wihi us ilaabe, “Chiirnaanneti Waakh mehe tadeeh ya, ‘Kamuri Waakkhaahe kajme agelin.’ ”