Popular Bible Verses from Luuka 11

Share

Chirri atinhi uskeel leh ba nyaakhutiin siinti haaggan siissaan, Aabbahiinki serey jiro la geeddoo meheenye ꞌdooꞌdi usu Rubeyti Munyee daahe siicha!”

“ꞌDeerka wihi an atin iadeeh, Waakh wihi at ꞌdoonto daddaahe, a kisiicho. Wihi at ꞌdoonto Waakh kayoyyowo, a kaꞌhessaa. Waakh arit ifah idahe, ulla a kifaho.

Iꞌdi tahe eti tuummane walah daahe, Waakh wihi us daahe a siicha, ki walah yowti la, Waakh a kaꞌhela, ki ifaha yidah la, Waakh arit a ifaha.

Yeesso la wihi us icho iyidah, “Geedda atin weysattaan waha daha, “ ‘Aabbahaanyaaw, magahaahki munyee a liinkaanyito, at ba enenyet tuumman dakhatta.

Uskeeleenyo nah ikakut, iꞌdi nah laka ꞌdooꞌdi uskeel nah iyeele uskeel ikakunnuu. Toro la kajmeti uskeel nah kaluguꞌddo nah kajeyi.’ ”

Gololeenyoki maan dakkhan nah sii.

Issaah iꞌdi taa u sartaah banaye ikeenta. Chirri indohaah haagganyahiin, sartaah tuumman laka banaye buuha. Iꞌdaasenyi chirri indohaah suujyahiin, sartaah tuumman a mugꞌdi.

“Et taa bolkhicho inti lakadagcho ommos baakhuul iliis gesso mele. Taa a labolkhicha kombor lakorcha, ꞌdee ꞌdooꞌdi min soogelo il kaarga.