Popular Bible Verses from Māa̍ti̍u̍ 8

Share

O̍ ko̍ŋ kɔ̍ɔ̍lī, mi̍ Chi̍i̍sū nyu̍nā nda̍ āā vɛ̄ɛ̄, “Sīōōŋīī yɛ̄ɛ̄ nya̍ chō yɛ̄? Lā nɔ̍ la̍a̍la᷄ŋ bɔ̍ɔ̍ le̍ ma᷅.” Mbo̍ cha᷄ŋ mbo̍ kpāā hūēīyīi̍ wa̍ hɔ̄ŋndo̍ ve̍ a̍ mɛ̄ŋma̍ wa̍ hīīlɔ᷄ŋ bɛ̍ndōo̍ wa̍ŋ. Mi̍ nyɛ̄ o̍ nyɛ̄ yɔ̄nu᷄ŋ le̍ pi᷅lɛ̍ do̍ŋ bɛ̍ndū.

Mi̍ wānā bɛ̍ndōo̍ ho̍ō mūlī āā, “I̍ cho̍ o̍ sɔ᷅vɛ̍ le̍ mā hīŋ o̍ ya̍ lo̍ chi̍ɛ̍ī ni̍ŋ te̍. Dīmīo̍o̍ bɛ̍ɛ̍ ŋ̄ dīmi̍ ni̍ māā ō sīōŋgu̍, ō nɔ̄lā mbō sēŋgū.

Mɛ̄ɛ̍ wānā bɛ̍ndū so̍vɛ̄i̍ya̍ dīmi̍ dīōmnda̍ŋ nda᷅ŋ, mi̍ kɔ̄ndɔ̄fi̍llo̍ bīī Chi̍i̍sū. Mbo̍ dīmūl wānāa̍ wa̍ ndu̍ hūnɔ̄ɔ̍ kɔ̄ɔ̄lī wa̍ āā, “Mī di̍mu̍l nya̍, wāŋnda̍ I̍sɔ̄lūɛ̄ī tɛ̍ɛ̄ŋ bɛ̍ɛ̍, I̍ se̍e̍lu̍ŋ ndɔ̍ wāŋndo̍ mbō lāāla̍ŋ o̍ ka̍lā ka̍lā nu̍a̍ā a̍ ya̍ mbō sīīma᷅ŋ māā pōo̍ ho̍ō le̍.

O̍ ko̍ŋ, mi̍ Chi̍i̍sū di̍mūl wānā bɛ̍ndōo̍ ho̍ō āā, “Kɔ̍ŋnu̍ŋ o̍ chīɛ̄ī nūmndo̍. Ndu̍yɛ̍, mɛ̄ɛ̍ ŋ̄ lāāla̍ŋ yɛ̍, le̍nde̍ Mɛ̄lɛ̄ka̍ chō nu̍m tōsāl ni̍.” O̍ ko̍ŋ, mi̍ bu̍ɛ̍ī wānā bɛ̍ndū so̍vɛ̄i̍ya̍ o̍ wa̍ ko̍ŋ a̍ nāa̍ wo̍ sīāŋgū a̍ bōōndi̍i̍ ke̍ŋ kpe̍e̍kpe̍i̍.

He̍ī yɔ̄nɔ᷄ŋndo̍, mi̍ kɔ̄ndɔ̄fi̍llo̍ bīī bu̍ɛ̍i̍yāā ndūa̍a̍ ta̍u̍. Ma̍ sāā dīmu̍la᷅ŋndo̍ āā, “Wāna̍ māāvɛ̄ɛ̍ cho̍ yɛ̄ ho̍ō. Hūēīye̍ bɛ̍ɛ̍ a̍ mɛ̄ŋnda̍ŋ, nyɛ̄ o̍ di̍mī wo̍ tōsāa̍.”