Popular Bible Verses from Māa̍ti̍u̍ 7

Share

“Lā nyūna̍ Mɛ̍lɛ̄ka̍ dīōm le̍ nyɛ̄ nya̍ hāu̍ bā wo̍. Ō nɔ̄lā mbō ke̍ nya̍ ndu̍. Ndu̍yɛ̍, lā nūūwa̍, lā chō sɔ̄lā. Lā kūndu̍ di̍o̍o̍, Mɛ̄lɛ̄ka̍ nɔ̄lā mbō kūmbu̍l nya̍.

Kāni̍ fo̍ndōle̍, wānā o̍ wānā tē a̍ nyu̍na̍ Mɛ̄lɛ̄ka̍ dīōm le̍ nyɛ̄ ŋ̄ hāu̍ bā wo̍ pɛ̍, ō nɔ̄lā mbō ke̍ nu̍m ndu̍. Wānā o̍ wānā a̍ nu̍u̍va̍ pɛ̍, a̍ sɔ̍la̍. Ndu̍yɛ̍, wāna̍ ku̍ndū dīo̍o̍ pɛ̍, Mɛ̄lɛ̄ka̍ kūmbu̍l nu̍m.

“Dīōmndā nīla̍ŋ nda᷅ŋ, wāna̍ tu̍e̍ī la̍ŋ pɛ̍, o̍ ko̍ŋ kɔ̍ɔ̍lī, mbō tōsa̍ nyɛ̄ la̍ di̍mi̍ wo̍ pɛ̍, mɛ̄ɛ̍ ō chō māchūāā māā wāna̍ kɔ̄l kālu̍ pi᷅lɛ̍ o̍ ta̍ŋgu̍l chīɛ̄ī ndɔ̄ɔ̍ o̍ lɛ̄ŋndē wɔ̄sɔ̄kɔ̍le̍ŋ chōo̍ wo̍.

“Ka̍ā ŋ̄ hɛ̄nāŋ māā chāa̍ŋ nūm to̍sa̍l nu̍m ndo̍, nūm bɛ̍ɛ̍ to̍sa̍l chāāŋnda̍ ka̍ā kōŋ. Kāni̍ fo̍ndōle̍, sāwāla̍ Mɛ̄lɛ̄ka̍ ke̍ Mūu̍sē la̍ŋ nyɛ̄ la̍ di̍mi̍ wo̍, a̍ nyɛ̄ wānāa̍ su̍a̍ā le̍ Mɛ̄lɛ̄ka̍ wa̍ ā pɛ̄ɛ̄ku̍ wāŋnda̍ wo̍, tɛ̄ɛ̄sīāā ndɔ̄ɔ̍ cho̍ ko̍ŋ ni̍.”

Kɛ̍, dīo̍o̍ le̍ lūɛ̄īyɔ̄ɔ̍ o̍ yōōmū kpe̍e̍kpe̍i̍yo̍ ni᷄ŋ, ndu̍ sɔ̍ɔ̍kɛ̍nyɛ̍ɛ̍ bɛ̍ndū o̍ cho̍ ni̍. Ndu̍yɛ̍ nɛ̄i̍ ku̍ɛ̄ lo̍ŋ ndo̍, ō kēndū lākɔ̄ bɔ̄ɔ̍. Ndu̍yɛ̍, wānāa̍ ku̍ā lo̍ŋ nda̍, ā cho̍ a̍ bɔ̍ɔ̍ le̍.”

Mi̍ Chi̍i̍sū hi̍a̍ū lāchī a̍ pɛ̄ɛ̄kōo̍ āā, “Lā kēēku̍ o̍ dīō sɔ̍ɔ̍kɛ̍nyɛ̍ɛ̍ wo̍. Kāni̍ fo̍ndōle̍, dīo̍o̍ le̍ lūɛ̄īyɔ̄ɔ̍ o̍ fo̍ndāŋ nyɛ̄ pālāa̍ nāa̍ Mɛ̄lɛ̄ka̍ dūāū wa̍nāā yɔ̄ŋ wɔ̄ɔ̍ŋnda̍ wa̍, ndu̍ ndu̍ ō tūāŋgāā o̍ cho̍ ni̍. Ndu̍yɛ̍, nɛ̄īyo̍ le̍ kɔ̄la̍ŋ lo̍ŋ, ndu̍ ndu̍ bɛ̍ɛ̍ŋ bɛ̍ɛ̍ŋ o̍ cho̍ le̍ kɔ̄la̍ŋ ni̍. Ndu̍yɛ̍, wānāa̍ cho̍ kɔ̄la̍ŋ a̍ nɛ̄ī ko̍ŋ nda̍, ā chō bɔ̄ɔ̍ fa̍ŋgā.

Nāa̍ nya̍ wānāā yɔ̄ŋ wɔ̄ɔ̍ŋnda̍ sīna̍ wɔ̄ le̍ chūāūwāā nyāa̍ nyɛ̄m kɛ̄ndɔ᷄ŋ kīo̍o̍, lā ke᷅ nda̍ ŋ̄ wɔ̄ɔ̍ŋndo̍ŋ te̍, Mɛ̄lɛ̄ka̍ Fi̍nyā nyā o̍ cho̍ chōo̍ cho̍o̍ wo̍ yɛ̄? Kīo̍o̍ o̍ ke᷅ wānāa̍ pi̍ɛ̍ī ndu̍ wa̍ nyɛ̄m kɛ̄ndɔ᷄ŋ ni̍.

Mi̍ Chi̍i̍sū si̍lā āā, “Wānā o̍ wānā lā ki̍lūl wānā i̍ya᷅ma̍ le̍. Ko̍ŋ to̍sā ni̍, Mɛ̄lɛ̄ka̍ ki̍lūl nya̍ īyāma̍ le̍. Kāni̍ fo̍ndōle̍, mɛ̄ɛ̍ nya̍ kīlūl chāāŋnda̍ yāma̍ŋ yɛ̍, le̍nde̍ ko̍ni̍ Mɛ̄lɛ̄ka̍ kīlūl nya̍ yāmɛ̍i̍ ni̍. Ndu̍yɛ̍, dīōmndā nya̍ dīmī o̍ wāŋndo̍ yāmɛ̍i̍ kīlūllo̍ ni᷄ŋ nda̍ŋ, a̍ la̍ŋ ko̍ni̍ Mɛ̄lɛ̄ka̍ chō nya̍ yāmɛ̍i̍ kīlūl ni̍.

“Kɛ̍, dīōmndā nīla̍ŋ nda᷅ŋ, wāna̍ tu̍e̍ī lāŋ pɛ̍, kɛ̍ ndu̍yɛ̍, mbō tōsa̍ nyɛ᷅ la̍ di̍mi̍ wo̍ le̍, mɛ̄ɛ̍ ō chō māchūāā māā dīɔ̄mndo̍ o̍ ta̍ŋgu̍l chīɛ̄ī ndɔ̄ɔ̍ o̍ si̍o̍ōŋnde̍ chōo̍ wo̍.

Vɛ᷅ mā bu̍u̍lāŋ a̍ bīlte̍ŋ chāa̍ŋ nu᷄m o̍ lēhɔ̄l, kɛ̍ ndu̍yɛ̍, a̍ bu̍u̍lāŋ a̍ yɔ̄m bɛ̄ndu̍ cho̍ nūm pi̍la̍ o̍ lēhɔ̄l lo̍ le̍? Kɛ̄lɛ̄ŋgāā le̍, vɛ̄ɛ̍nɛ̍ ŋ̄ lōōkū yɛ̍ chāa̍ŋ nu᷄m dīmūl āā, ‘Hu̍ŋ I̍ hu᷅l nu̍m bīlte̍ŋ o̍ lēhɔ̄l’ nūm pi̍la̍ nɔ̍ pɛ̍ yɔ᷅m bɛ̄ndōo̍ o̍ lēhɔ̄l?

“Wānāā lāchōōwāa̍ a̍ ba̍lū di̍mīo̍o̍ māā wānāa̍ su̍a̍ā le̍ Mɛ̄lɛ̄ka̍ wa̍ nda̍ chō ni̍, kɛ̍ ndu̍yɛ̍, ā cho̍ yɛ̍ wānāā wāā le̍nde̍ le̍ wa̍, lā mānda̍ŋ a̍ nda̍. Tē ā kōma̍l nya̍ pɛ̍ ā bīī ā mɔ̄ɔ̄vi̍a̍a̍ yɛ̍mbɔ᷄ŋ, ā chɔ᷄m o̍ hɔ̄lla̍ māā wānāā kɛ̄ndɛ̄. Kɛ̍ ndu̍yɛ̍, mɛ̄ɛ̍ vīsīāā bīyāa̍ lūɛ̄ī nu̍a̍ā sāā ku̍ndāa̍ tɛ̄ɛ̄ŋ yɛ̍, le̍nde̍ nda̍ chō o̍ kɔ̄lta̍ŋ ni᷄ŋ ni̍. O̍ kēlālā ndāla̍ŋ nya̍ lōōkū ni̍ŋ nda̍ pɛ̄ŋgu̍ si̍nā ni̍. Yɔ̄m ŋ̄yɔ̄ɔ̍ ō ku᷅m kīle̍pīi̍ya̍ŋ te̍. Le̍nde̍ ko̍ni̍, yɔ̄m ŋ̄yɔ̄ɔ̍ ō ku᷅m fi̍kīi̍ya̍ŋ te̍.

Yɔ᷄m cho̍ yɔ̄m kɛ̄ndɔ̄ɔ̍ wo̍, ndu̍ ku̍ām ko̍mɔ̄ɔ̄ kɛ̄ndɔ̄ɔ̍ ni̍. Ndu̍yɛ̍, yɔ᷄m cho̍ yɔ᷅m kɛ̄ndɛ̄ le̍ wo̍, ndu̍ ku̍ām ko̍mɔ̄ɔ̄ wɔ̄ɔ̍ŋndo̍ ni̍.

Yɔ᷄m cho̍ yɔ̄m kɛ̄ndɔ̄ɔ̍ wo̍, ō ku᷅m ko̍mɔ̄ɔ̄ wɔ̄ɔ̍ŋ te̍. Ndu̍yɛ̍ vɛ̄lɛ̄, yɔ᷄m cho̍ yɔ᷅m kɛ̄ndɛ̄ le̍ wo̍, ō ku᷅m ko̍mɔ̄ɔ̄ kɛ̄ndɛ̄ le̍.

Ndu̍yɛ̍, yɔ̄m o̍ yɔ᷄m ku̍m yɛ̍ kōmɔ̄ɔ̄ kɛ̄ndɛ̄ le̍, mɛ̄ɛ̍ ā chō ndu̍ kīo̍ŋ mā dɔ̄ū ndu̍ o̍ yīŋ.