Popular Bible Verses from Injil 1: Moti 7

Share

“Ami tumrare ḳoiram, sao, tumrare deoa oibo. Tallash ḳoro, teu faibae. Duaro ṭuka deo, teu duar kula oibo.

Zara sae, tara-u to fae. Ze tallash ḳore he fae. Ze duaro ṭukae, tar lagi duar kula oy.

“Ze manshe amar ou talim hunia amol ḳore, he aḳoldar manshor laḳan mozbut kuṭir ufre tar gor banae.

Huno, tumra manshor ges taki zelaḳan bebohar faitae sao, tumra-o hoḳlor loge ou laḳan bebohar ḳoro. Ota-u oilo Tourat Kitab ar nobi oḳlor sohifar mul talim.

Oile ze fote gele zindegi mile, i fotor duar sifa, fot-o huru-muru. Kub ḳom manshe-u i duaror kuz fain.

“Huno, tumra sifa duaredi hamaio, ḳaron ze fote binashor bae ṭane, i fot muṭa, fotor duar-o boṛo, bout manush ou duaredi hamain.

Tumra ḳaraf oia-o zudi tumrar huruttainre bala bala siz ditae zano, te zara behesti baf Alla Pakor gese saibo, tain to nisoy tarare bala bala siz dan ḳorba, ita to shababik.

“Tumra manshor dush tukanit roio na, teu tumrar dush-o tukail oito nae. Tumra zela manshor dush tukao, Allae-o oula tumrar dush tukaiba. Tumra zela falladi mafibae, tumrar lagi-o ola mafa oibo.

Oile ze amar talim hunia-o amol ḳore na, he be-aḳolor laḳan norom maṭir ufre gor banae.

“Tumar bair souḳor bitre guṛa ase ikan deḳrae, oile nizor souko gasor seli ase ikan deḳrae na ḳene? Tumar sokut seli hamaise ikan zebla deḳrae na, te tumar baire kila ḳoibae, bai, tumar sokut guṛa hamaise, ao, bar ḳoria dei?

“Bonḍo nobi oḳol taki hushiar roio. Tara tumrar gese meṛar surote ae, oile bitre bitre tara raikkosh bagor laḳan. Tarar zindegi dekia-u sintae farbae. Zano to, gosa-ḳaṭar maze kunu angur dore ni ba bon-jonglar maze kunu ḍumur fol dore ni?

Ṭik ou laḳan, bala gase to bala fol-u dore ar mondo gase mondo fol-u dore.

Bala gase to mondo fol dore na, ar mondo gase bala fol dore na.

Ze gase bala fol dore na, igure ḳaṭia daru zalail oy.