Popular Bible Verses from BAHEBERE 10

Share

re se tlogele go phuthega ga rona, jaaka bangwe ba tlwaetse, mme re kaelane, bogolo thata ka lo bona letsatsi le ntse le atamela.

A re elaneng tlhoko gore re tlhotlheletsanye mo loratong le ditirong tse di molemo

A re kgomareleng boipolelo jwa tsholofelo, re se tshikinyege; gonne ene o boikanyo yo o re solofeditseng.

Gonne boitshoko bo lo tshwanetse, e tle e re lo sena go dirafatsa thato ya Modimo, lo amogele se se solofeditsweng.

A re atameleng he ka dipelo tsa boammaaruri, re na le tumelo e e tletseng, re kgatshitswe dipelo, go tlositswe matswalo, re bile re tlhapisitswe mebele ka metsi a a phepa.

Ka moo he, se latlheng boikanyo jwa lona jo bo nang le tuelo e kgolo!

Gonne fa re leofa ka bomo, re sena go amogela kitso ya boammaaruri, go tla bo go sa tlhole go na le setlhabelo sepe sa maleo, fa e se tebelelo e e boitshegang ya katlholo le bogale jwa molelo o o tla lailang baganetsi.