Popular Bible Verses from Matiu 28

Share

Naapeya ni miiw unowa, owow unowa ikiwep wia maakiwkin opora efar opap yena teeria efar aruk. Ne wia yasuwami Auwa, Muuka ne Ewar Eliwa unuma-pa wia yasuweka. Ne yo opora nia maakem-ikem nain iiwawun suule wiem-ikaiwkin yo opora efar ookam-ikauk. Yena anane niamiya ikainen, ikiwep iiwawun miiwa weeserow epa-pa.”

Naeya Yeesus-ke wiokap epami wia maakek, “Aakisa Auwa-ke kekanowa unum maneka onaiya yieya yos-keriw owow iinan ne miiwa iiwawun urufami wia nomakep ikem.

Aria ensel-ke wi emeria nain ekapep fuuniwkin wia maakek, “Ni mia me fufueka, ni Yeesus nomokow moke-pa umok nain urufowa ekapeman. O fan me ikua, iiriw iikirak, iiriw nia maakem-ikua naap. Ni epap o wuamik fain urufeka.

Ne wia maakek, “Ni me keker opaka, ikiwemi yena teeria wia maakiwkin wi Galili ikiwep neeke efa urufuk.”

Ne aria wi pris woos mua wi owow woos mua onaiya wiam aawep aakunep sira feenap onamik. Wi ami mua maamuma maneka wiemi wia maakemik, “Ni ikiwemi opora fain manekeka. ‘Uura i inep ikemkun ona teeria-ke sawi napuma nain ekapep ikum aawemik,’ naap maeka. Ne opora nain-ke ikiwep anim onoma maneka ifana wiar oreya-na ni opora marew, ikoka yiena kakeniyen.” Naap wia maakemik. Aria wi mua maamuma nain aawep opora nain manekamik. Naapeya wi Yuuda unowa opora nain-ke ikip manekarek. Ne aakisa opora nain pun naap maem-ikaimik.