Popular Bible Verses from Matiu 27

Share

Urera ama arow naap arem-ikaeya Yeesus kerew faremi maek, “Eli, Eli, lama sabaktani.” Opora nain kemena feenap, “Yena Mua Maneka, yena Mua Maneka, moram efa piipuan?”

Ne aria are nain akena tempel koor kemena-pa konim maneka sererep ikua nain-ke onaiw gone-pa perenep kakawa erup arek. Ne maa ofofona urupemi nomon mane-maneka-ke pukomakek. Ne matmat epa nomona pun pukomakeya Mua Maneka teeria unowa iiriw umemik nain kiiriw iikiramik.

Lawisiw naap ikok Yeesus kerewa faremi umok.

Ne aria are nain maa ofofona ne maa unowa naap imenaromakeya ami woos mua ona teeria onaiya Yeesus urufam-ikemik nain kema tootonep maemik, “Makena ya, mua fain Mua Maneka Muuka-ke!”

Aria naap ikok unun ama naeya miiw maneka kokoma-ke iiwawun muep ikaeya ikip ama arow arek.

Ne wia nokarek, “Mua Yeesus Krais naimik nain kamenap oninen?” Ne wi unow onaiya faremi maemik, “Nomokow moke-pa uminok!” Ne wia nokarek, “Moram, o pina kain onak?” Naap maek-na weetak, piikirami kerew faremi maemik, “Nomokow moke-pa uminok akena!”