Popular Bible Verses from Matiu 7

Share

Antahigesankeno anazana kamigahie, hakesunka kefore hugahane, kafante vagre vagre hanankeno, anagi kantegahie.

Na'ankure maka vahe'mo'za antahima nege'za e'nerize. Iza'o, hake'noma vanimo'a, keno eri fore hugahie. Kafante vagre vagre nehnimofona, anagi antegahie.

E'ina hu'negu, iza'zmo ama keni'a nentahi'za amage nentamo'za, knare antahizane ne'mo hanave nentake havemofo, agofetu nona kiankna nehie.

vahe'mo'zama maka zampima kagrima, hugantesaze hunka nehnana avu'avara, kagra ana avu'ava zamagrira huzmanto. Na'ankure e'i kasegene kasnampa vahe'mokizmi kenena eri knare hugahaze.

Ana hianagi asimu eri kumate vu'nea kafamo'a osi higeno, ana kamo'a kakanino amuho hu'nege'no, osi'amoza ana kana nege'za nevaririze.

Tamagra osi kafampinti ufreho, na'ankure fananehu kantema vu'nea kamo'a, ra huno fru hu'ne. Ana kantera rama'a vahe'mo'za amage ante'za nevaze.

Hianagi tamagra havizama nehaze vahe'mota antahi'naze, mofavre'tmima knare muse'zama ami'zana, monafima nemnia Neramafa'a, knare muse'za, iza'o Agri'ma antahigemofona rama'a zantmi nemie!

Jisasi'a anage huno mago'ane zamasmi'ne, rumofona refako huo zamantenkeno, anahu kna huno tmagri e'nena refako huormanteno. Na'ankure rumofoma refako huntesante, ana avamente Anumzamo'a kagrira refako hugantegahie. Kagrama rumofoma refakoma hanana avamente, anazanke huno kagrira refako hugantegahie.

Hagi iza'zmo, ama Nagri naneke nentahiza amage onte'samo'za, negi vahe'mo noma'a ksepampi kia kna hugahie.

Nahigenka osi zama negafu avufima me'neazana negenka, kagri kavufima ra zafa rampama me'neana nonkane? Na'ane hunka negafunkura, natregena osi'zama kavufi me'neana eri traneno nehane, kagri kavufi'ma ra zafa rampama me'neana?

Kva hiho havige kasnampa vahekura, sipisipimofo avufa erihankre'za egahzanagi, zamagu'afinka afi kra egahaze. Kagrama zamagenka, antahinka zamagrima hananana, rgama rentesare kegahane, krepia ave'ave zafafinti noragize, hifi ave'ave trazampinti fikia tagigahazo? A'o, anara osugahaze.

Anahu kante hakare Knare zafamo'za, knare rga renetageno, havi zafamo'za havi rga renentaze.

Knare zafamo'za havi rga oregahaze, ete havi zafamo'a knare zafa rga oregahie.

Miko zafamo'za, knare rga reontesiana, antagiza matevu'za tevefi atregahaze.