Popular Bible Verses from Matiu 6

Share

Hianagi kota zana, Anumzamofo kumaku'ene, fatgo avu'avazanku haketenkeno, ana maka'zana anazanke huno tamamigahie.

E'i zanku oki fore hania zankura tamagesa hakare osiho. Na'ankure okizana atrenkeno, agra'a kva krino, mago knare'ma esia hazenkea, ana knazupage knaza megahie.

E'ina hu'negu, Nagra neramasmue, tamagra manisnaza zankura tamagesa ontahiho, naza kavera negahune, igati tina negahune, kukena tavufarera na'a hugahune huta ontahiho. Anampina kavemo'a mani'zana agterenefi, hipi kukenamo'a tavufa agtere'neo?

Hianagi kagrama nunamu hunaku hanunka, nomofo agu'afi ufrenka, kafa erikitenka Negafantega oku'a nunamu huo. Hugeno oku'aza negea Negfa'a mizana kamigahie.

Amanahu kna hutma nunamuna hiho. Tagri Nfati'moka monafi mani'nane, Kagri Kagimo ruotage huno mesie. Kagri mona kumara esie, Kagri kavesi'zana monafinka nehazankna huno, ama mopafi efore hanie.

Mago mago knare'ma nesuna ne'zana meni tmio.

Kumitia atre'rantegeta, anahu kna huta kumi hurante'namokizmi'a atre'zmanta maneno.

Nehunka tatregeta rerahe'zampina uoframaneno, hianagi hankromofo azampintira tza hunka tavro. [Na'ankure Kagri mona kumamo mevava hugahie. Tamage.]

Hianagi tamagrima kefo'za hurmantesamokizmi kumi'zami atrezmante sageno'a, monare nemnia Nfatimo'a, kumi'tamia eri atre ramantegahie.

Nmamo'ma hareno vano nehiana keho, zamagra hoza ante'za, kafiza, eri atru hu'za, kave ante'nompina nontazanagi, monare nemnia Neramafa ne'zana nezmie. Nmamo'za kagrira kagaterenafi? A'o.

Ama mopafina fenona eritru osiho, havi kfamo'ene, krogroheno erihaviza nehnigeno, kumza vahe'mo'za, nona anafe hu'za kumza segahaze. Hianagi monafinka fenona havi kfamo'ene, krogro ohegeno, kumza vahe'mo'za nona tgana vaziza kumza ose fenotmina, tamagra eritru hiho. Na'ankure fenonka'a me'nenirega, e'i anantega kagu'amo'a megahie.

Mago'mo'a tare kva netera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zgore enena monora huontegahane.

Hianagi Anumzamo'ma, amuma me'nea trazama kukenama huma ante'neana, menina me'neanagi vahe'mo'za okina tevefi eri kregahaze. Ana hu'negu tamagrira Anumzamo'a agatereno kukena hurmantegahie. Tamagra osi'a tamentinti'ne naga mani'naze.

Hianagi zamunte omne vahe zamaza hanunka, atregeno hoga kzamo'a, tmaga kzamoma hania zana onkeno, e'ina hunka oku'a amigeno, oku'a nehiaza me'negeno negea Negafa, Anumzamo'a mi'zana kamigahie.

Vahe'mofo avure fatgo avu'ava nehnanke'za kagezankura kva huo, monafi mani'nea Negfa'a mizana onkamigahie.

Ne'zama a'o hanuta (fast) tavre vahe'mo'za nehaza knara hutma havi tamugosa osiho. Na'ankure e'inahu tamugosa nehnage'za, vahe'mo'za nege'za, neza a'o hu'ne hu'za hugahaze. Nagra tamage hu'na neramasmue, ko zamagra mizama'a eri'naze. Hianagi ne'zama a'o hanutma, tmasenire msavena nefretma, tamugosa sese hiho. E'ina hanageno nezama a'oma hanaza zana vahe'mo'za onkeho. Hianagi tamagri Neramafa oku'a nemnimo kagegahie. Nehuno oku'a me'negeno negea Neramafa'a mizana tamagrira tamigahie.