YOANES 10
10
Nkana mbaʼale mintômba
(Sam 23; 1 Pi 2:24-25; 5:1-4)
1Bebela, bebela émien foʼo, ma jô mia na e môt a nji dañ e mbé a nyiin abemba mintômba été, ve viane ke dañ afôla afe, môt ate a ne ñwuwub a ze mimfaka. 2Ve nyô ki a ke dañ e mbé , e nye a ne mbaʼale mintômba. 3Môt a nonô mbé a diine nye wô, a mintômba mia yeme tyiñ jé, a loone fe mintômba mié biyôlé biab a kulu mie atan. 4Eyoñ a maneya kulu mintômba mié mise e nseñ, a téé ñhe dulu a ke tebe ôsu, mintômba mi nga tôñe nye, amu mia yeme nye tyiñ . 5Ve nneñe ki, mintômba mi se ngul ya yeʼe tôñe nye, mia ye viane tube nye a ke ôyab, amu mi nji yeme tyiñ beyeñ. 6Nkana te ñwô Yésus a nga ku be, ve bôte bete be teke yeme wôk e mam a nga kobô be. 7E nde Yésus a nga beta jô na: Bebela, bebela foʼo, ma kate mia na ma me ne mbé mintômba. 8E bôte bese be nga zu me ôsu be ne miñwuwub a beze mimfaka, ajô te mintômba mi nga bo te vôʼôlô be. 9Ma me ne mbé , nge môt éziñ a nyiin e be ma a ye bi ényiñ, a ye nyiin a kui fe nseñ, a yene fe bidi ya di. 10Môt a wub nye a zu foʼo ve na a wup, a wôé a ndaman; mfaʼa wome ki me nga so na bôte be bi ényiñ, be bi je abui abui. 11Ma me ne mbamba mbaʼale. Mbamba mbaʼale a ju ényiñe jé amu mintômba. 12Ve nsaé moné ki, mbôl a nji bo nya mbaʼale, amu mintômba mi nji bo émié, ane a yene ze é zaʼak, a liʼi mintômba, a tubi, ze ki é nga bi mintômba a tyamelane mi mivok. 13Amu môt ate a ne ve nsaé moné, a ne teke bisi ajô ya mvamane mintômba. 14Ma me ne mbamba mbaʼale, a ma yeme mintômba miam, mintômba miame fe mia yeme ma, 15aval Esaa wom a yeme ma, ma fe ma yeme Esaa wom, e nde ma ve ényiñe jam asu mintômba. 16Me bili fe mintômba mife, mi nji bo abemba dina été. Ma yiane fe ke ma nyeñele mie, mia ye wôʼô tyiñe jam, éyoñe te mia ye bo mbame wua, mbaʼale fe ve wua.
17Ajô te Esaa wom a nyeʼe ma, amu ma ve ényiñe jam e nde ma ye beta bulane nyoñe je. 18Môt éziñ a nji wôlé me je, ve mamiene ma vañe ve je, amu me bili ngule ya ve je, me bili fe ngule ya beta bulane nyoñe je. Atiñ me nga nyoñ e be Esaa wom e nde le. 19E nde metyiñe metyiñ me nga beta bo e zañe Beyude amu mejô mete. 20Abui avok e nga ke da jô na: A bili mbia nsisim , e nde fe a nga soʼakut, amu jé mia vôʼôlô nye? 21E bôte bevoʼo ki be jôʼô na: Mejô ma me nji bo mejô me môt a bili mbia nsisim; ye mbia nsisim a ne ngule ya bo na mise mindindim me yombô?
Beyude ba bene Yésus
22Eyoñ abôʼô fubu Nda Zambe e nga kpwaan e Yérusalém, a ôyôn, 23Yésus a nga ke ñhe a lôtan e Nda Zambe été, e beta éyas ya mbé si Solômon. 24E nde Beyude be nga bômane nye élunga e nyôl a jô nye na: Wo ye tyelé bia minleme yôb akui nté mbé ? Nge wo ô ne Krist, kate bia de ne ngeññ. 25Ane Yésus a nga yalane be na: Ke me kateya mia, mi teke buni; ve jame da mimboone ma bo a jôé Esaa wom, mimboone mite mia tyiʼi mvaʼa ya be ma. 26Ve mfaʼa wônan, mi nji buni, amu mi nji bo mintômba ya be ma. 27Mintômba miam mia wôʼô tyiñe jam, ma yeme mie a mia zu mia tôñe ma, 28e nde fe ma ve mie ényiñe ya melu mese, teke mi yeʼe jañ ajañ ajañ, a teke môt éziñ a ne vaa mie e mo mam a ngu. 29Esaa wom Nyô a nga ve ma mie a dañe bôte bese, a teke môt éziñ a ne ngul ya wôlé mie e mo mʼEsaa wom. 30A mamien a Esaa wome ki bi ne jôme jijia. 31Ane Beyude be nga beta toʼé mekok na ba lume nye. 32E nde Yésus a nga jô be na: Abui abeñe mame ya be Esaa wom me litiya mia, jam avé ya été e nde mia lume me dee mekok ? 33Ane Beyude be nga yalane nye na: Bi nji kômbô lume wo mekok amu mbamba jam, ve amu wo ta Zambe, amu na wô zezé môt, wo viane bo womien ane Zambe. 34E nde Yésus a nga yalane be na: Ye e nji bo ntilan e Kalate Metiñe wonane na: Ma me nga jô na mi ne bezambe? 35Nge bôte Zambe a nga kobô be, émien a loone be na bezambe, ntilane ki ô se ngule ya bo momo, 36ve môte Esaa ki a nga fubu, a lôme fe nye e si ndôn, e nye mia jô na a ta Zambe, amu na ma jô na: Me ne mone Zambe? 37Nge me nji bo e mame mʼEsaa wom, te bunane ma. 38Ve nge ma bo me, jaʼane mi ne te buni ma, bunaʼane mimboon mite, nde mia ye yem a buni na Tate a ne be ma, a me ki me ne be Tate. 39Nde be nga beta jeñe na be bi nye, ane a nga sendé be e mo été valé. 40Ane a nga beta dañ e kindiʼi Yordan yat, e vôme Yôanes a nga taté bo a du bôt, a ntoo ñhe wé. 41E nde bôt abui be nga ke be nye be jôʼô na, Yôanes a nji foʼo bo étua jam éziñ, ve mame mese a nga jô, ajô môte nyôl, me mbe bebela. 42Ane bôt abui be nga buni nye vôm ate.
Επιλέχθηκαν προς το παρόν:
YOANES 10: BULU09
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© LʼAlliance Biblique du Cameroun, 2009