KALATE METATAʼA 18
18
E mfefé nkatane foé abialé Izak
(Hé 13:2; Met 21:1-7; 2 Bb 4:12-17; Yoa 14:23)
1Nti a nge yené be Abraham e bilône bi Mamré a too anyiine nda éndelé jé, éyoñ ayôñe môs da bo. 2A nga bete mis a yene: befame belaa be tele nye fefe. Eyoñ a nga yene be a nga mate mbile ya ke tôbane be, ataté anyiine ya nda éndelé jé, a nga kute meboñe si 3a jô na: A Nti, nge me ne nguleya bi mvame be wo, te lôt, ma yeʼelane wo, ôyab a mbo ésaé wôé. 4Be zaʼa ñhe abe mendim asu ya sôbe mia mebo! Wokaʼan élé jina si. 5Ma ye ke nyoñ éfuse belet, asu ya ve mia ngule nyô; mvus éte, mia ye kee dulu denan ôsu; nalé ate mia ye bo te lôte zesé e be mbo ésaé wônan. Be nga yalane na: Yaa, boʼok ane wo te jô.
6Abraham a nga jiʼa ke e nda éndelé jé e be Sara a jô na: Avô, ékekep avut, mveʼan biyoñ bilaa;#18:6 Fuʼuk a bo begatô. Lita avut 36 7Abraham a nga ke mbil e mfaʼa biyem bi né, ve nyoñe mone nyak a too nteʼan a mvaé, a ve nye ésoé mbo ésaé, ji é nga yame nye avôl. 8A nga nyoñe fe boto a menyañ, a mone nyak be nga kôm, a a nga telé bie asu dap. Emien a nga tebe be fefe élé si, a be nga di.
9Ajô te be nga jô nye na: Minga wôé Sara a ne vé? Nye na: A ne valé, e nda éndelé. 10Wua ya be be a nga jô na: Teke selane na: Ma ye beta zu be wo e mbu wo zu: Tame yene na, Sara, e minga wôé, a ye bi monafam. Sara a mbe a vôʼôlôʼô anyiine nda éndelé é mbe mvuse jé.
11Abraham a Sara be mbe minnôm, abui mimbu, a Sara a nji fe bo nguleya biaé bon . 12A nga woé nlem été a jôʼô na: Eyoñe ji me ntoo nteʼan, ye me ne nguleya beta bi minkômban? Masa, e nnôme wome fe a ntoo nnôm. 13Nti a nga jô Abraham na: Amu jé Sara a te woé a jô na: Ye bebela na me ne nguleya beta bi mon, e ma me ntoo nnôm? 14Ye jam éziñ é ne di ya kam e be Nti? E mbu wo zu, éyoñ é ne ntelan, ma ye beta zu be wo, a Sara a ye bi monafam. 15Sara a nga laa minsos na: Me nji ke woé amu a nga ko woñ. Ve Nti a nga jô na: Yaa, wo te woé?
Abraham a yeʼelan ajô Sodom
(Yoa 15:15; Nk 32:9-14; Nlb 14:11-20; Yak 5:16-18)
16Befam bete be nga kôlô si a ke a be nga fombô mfaʼa ya Sodom. Abraham a nga liʼitane be asu ya kandane be. 17Ve a koone Nti a jôya na: Ye ma ye solé Abraham jam ma zu bo? 18Abraham a ye foʼo bo beta ayoñe bôt e ne ngul, a meyoñ mese ya si nyô ma ye bi ébotan amu nye. 19Amu me nga tobe nye ane a ye bendé bobefame bé a nda bôte jé e mvuse jé na be baʼale zene Nti, a mboone zôsôôô a nya ntyiʼane mejôô; nalé ate Nti a ye tôé asu Abraham, e jam a nga jô ajô dé. 20Nti a nga jô na: Jame ba komekane de Sodom a Gômor é ne étua anen, a abé dap ényeʼe menyu 21avale ya na ma ye sis a yen nge be nga bo mam bebé ane ma wôʼô be kobôʼô; nge e nji bo nalé, ma ye fe yem. 22Befam be nga lume mvus a ke e Sodom. Ve Abraham a nga beta tebe asu Nti. 23Abraham a nga zu bebé a jô na: Ye wo ye fe bo na zôsôôa môt a wu baa mbo abé ? 24Ndôʼôtô bezôsôôô be bôt be ne tison mewôm metan: Ye wo ye fe bo na be wu, a ye wo ye bo te jamé bôte ya valé amu bezôsôôô be bôte mewôm metan be ne valé? 25Mboon avale jame te ô kele wo ôyap: a wôé zôsôôa môt baa mbo abé avale ya na teke fe nkandan e zañe zôsôôa môt a mbo abé , nalé a kele wo ôyap! Ye nyô a tyiʼi si ése mejô a ye bo te wulu ane metiñ ma jô? 26E Nti a nga jô na: Nge ma koon e Sodom bôte be ne zôsôôô mewôm metan e tison été, ma ye jamé vôm ate ase amu be. 27Abraham a nga beta kobô a jô na: Tame ñhe yen, me boya ayoʼo ya kobô Nti, e ma me ne foʼo ve mbuluk a asup. 28E ndôʼôtô na e bezôsôôô be bôt mewôm metan, betan ba ye jemban, ye wo ye tyame tison amu betan? E Nti nye na: Ma ye bo te tyame je nge ma koone mewôm menyin a betan. 29Abraham a nga ke ôsu a kobô nye na: E ndôʼôtô bôt ba ye bo mewôm menyin. Nti nye na: Ma ye bo teke bo jam amu mewôm menyin bete. 30Abraham nye na: Nti a boʼo teke yôñ a ayaa, a ma ye beta kobô. Ndôʼôtô ba ye bo valé mewôm melaa. Nti nye na: Ma ye bo teke bo jam nge ma koone mewôm melaa. 31Abraham a nga jô na: Tame yen me boya ayoʼo ya kobô Nti. Ndôʼôtô ba ye koone mewôm mebaé valé. Nti na: Ma ye bo teke tyame je amu bôte mewôm mebaé bete. 32Abraham nye na: Nti a boʼo te yôñ a ayaʼa, a ma ye suʼulane kobô vʼéyoñe ji. Ndôʼôtô ba ye bo bôt awôm tison été. Nti nye na: Ma ye bo teke tyame je amu bôt awôm bete. 33Ane Nti a nga ke, éyoñ a maneya kobô Abraham, a Abraham a nga bulan e nda jé.
Επιλέχθηκαν προς το παρόν:
KALATE METATAʼA 18: BULU09
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© LʼAlliance Biblique du Cameroun, 2009