Zaŋ Ɓi madiɗa madiɗa ngi raˀa
Ɓi madiɗa madiɗa ngi raˀa
Kaɓa ɗerewol Ɓimezle hana vuna mabiga na, buy mutuh naŋ i mbur ngisi Yesu, Yesu mawuɗaŋ haɗa zleˀe (sap 21.20-24). Gwat, mbur mutuh naŋ mutoho hĩˀĩ vurˀe na, a bo le njah angi kiɗa mi ngi sap. 20, «ɓa ki tiɓam: Yesu i Mesi, Mangal ngi Buymisemuŋ, yo ɓa kum mira tiɓam na, ki lumam siifa tisi slimiɗ naŋ.» Kiɗa slir ngi Yesu is mbeˀ mbeˀ ati Yudeheye, Zaŋ a slufa ɓi nah le, dum le na, kiɗa slir taŋ ar hay ngi Bumbulvuŋ a Zeruzalem, waɗ tapas muguzlumoy. Yo Zaŋ a gi slra le ti ɓi misi ar wuluk ngi Grekey ati ngi Romahaya, fineˀ mizli mekelemey, mitila mi ti Ɓimezleheye. I ɓi misi ani hanayna: mingiɓi, li minjahha, ˀuf, duniya, waɗ ɓi mekelemey haɗa ma. Ɓimezle nga naŋ mutoho na, maga ɓa naŋ wal avu ngi mizli mekelemeye na, i ɓi hanay na vuna. Amma ɓihey migam migam cikiɗeffe na, a slufa taŋ le, kaɓa ani: vula ngwas a Kana (sap 2.1-11), kiɗa slir ngi Yesu ati Nikodem (sap 3.1-21), ati ngwas Samari (sap 4.1-22), dangar miyaka cak kine, hiri naŋ muwun (sap 9), Lazar mislikiɗ tir mucu (sap 11). Slimiɗ, Yesu maca taŋ da naŋ vuna tehhe a muŋ na, i gwat nawayahay ma: mijigin mezle (sap 10.12-20), ɗaf mavul siifa (sap 6.22-59), li minjahha ngi duniya (sap 8.12-20), widis migisiŋ gisiŋ ngi gudubun (sap 15.1-8). Angi ɗerewol mudumbuŋ dumbuŋ mulumaka zlezle wãˀ ta na, a ɓam na, ɗerewol ngi ɓimezle ngi Zaŋ, a sinaka a Ezipte, ar zlivirzi ngi vi miskat mucuw naŋ.
Επιλέχθηκαν προς το παρόν:
Zaŋ Ɓi madiɗa madiɗa ngi raˀa: BEGDC
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Bible en Langue Guiziga © L’Alliance Biblique du Cameroun, 2011.