NAI VAKATEKIVU 36
36
A kawa i Iso, kei na turaga lelevu sa tubu mai vua.
1Ia oqo na veimataqali i Iso, (ko koya ko Itomi). 2Sa veiwatini ko Iso kei ira na goneyalewa ni Kenani; ko Eta na luve i Eloni na Itaiti, kei Aolipama na luve i Ena, na luve i Sipioni ka yalewa na Aivaiti; 3kei Pasemaca na gane i Nepeioci, na luve i Isimeli. 4Ia ko Eta sa vakasucumi Elifasi na luvedrau kei Iso; a sa vakasucumi Riueli ko Pasemaca; 5a sa sucu vei Aolipama ko Jiusi, kei Jalami, kei Kora. Oqo na gonetagane i Iso, sa sucu mai na vanua ko Kenani.
6Ia ko Iso sa kauta na watina, kei na luvena tagane, kei na luvena yalewa, kei ira kecega na nona lewe-ni-vale, kei na nona pulumokau, kei na nona manumanu kecega, kei na nonai yau kecega, sa rawata e na vanua ko Kenani: a sa lako ki na dua na vanua, me rau veiyawaki kei Jekope na tacina. 7Ni sa rui levu na nodrau ka, ka dredre kina na nodrau tiko vata; sa sega ni rauti rau na vanua erau a tiko vulagi kina, e na vuku ni nodrau manumanu. 8A sa la'ki tiko ko Iso ki na ulu-ni-vanua ko Sia: ko Iso sai koya ko Itomi.
9Ia oqo na veimataqali i Iso na tamadra na kai Itomi, mai na ulu-ni-vanua ko Sia: 10oqo na yacadra na luve i Iso era tagane; ko Elifasi na luve i Eta na wati i Iso, ko Riueli na luve i Pasemaca, na wati i Iso. 11Ia na luve i Elifasi ko Temani, ko Omari, ko Sifo, kei Katami, kei Kinasi eratou tagane. 12Ia ko Timina sa watina lailai i Elifasi, na luve i Iso; a sa vakasucumi Amaleki ko koya na luvedrau kei Elifasi: oqo na luvena tagane ko Eta, na wati i Iso. 13Ia oqo na luve i Riueli eratou tagane; ko Neaca, kei Sira, ko Sama, kei Misa: na tagane oqo na luve i Pasemaca, na wati i Iso.
14Ia sa sucu ko Jiusi, kei Jalami, kei Kora, na luve i Iso kei Aolipama na watina: ia na tinai Aolipama ko Ena, na luve i Sipioni.
15Oqo na turaga vei ira na luve i Iso: na luvena tagane ko Elifasi, na ulumatua i Iso; ko Temani na turaga, ko Omari na turaga, ko Sifo na turaga, ko Kinasi na turaga, 16ko Kora na turaga, ko Katami na turaga, kei Amaleki eratou turaga kece: oqo na turaga sa tubu vei Elifasi e na vanua ko Itomi; oqo na luve i Eta. 17Ia oqo na luve i Riueli, luve i Iso; ko Neaca na turaga, ko Sira na turaga, ko Sama na turaga, ko Misa eratou turaga kece: oqo na turaga sa tubu vei Riueli e na vanua ko Itomi; oqo na luve i Pasemaca, na wati i Iso. 18Ia oqo na luve i Aolipama, na wati i Iso; ko Jiusi na turaga, ko Jalami na turaga, ko Kora eratou turaga kece: oqo na turaga ka tubu maivei Aolipama, na luve i Ena, na wati i Iso. 19Oqo na luve i Iso, ko koya ko Itomi, ia oqo na nodra turaga.
20Oqo na luve i Sia na luve i Ori, ko ira ka taukena na vanua; ko Lotani, kei Sopali, kei Sipioni, kei Ena, 21kei Tisoni, kei Esa, kei Tisani: oqo na nodra turaga na luve i Ori, na luve i Sia mai na vanua ko Itomi. 22Ia ko ira na luve i Lotani, ko Ori kei Emami; ia na gane i Lotani ko Timina. 23Ia ko iratou oqo na luve i Sopali; ko Alivani, kei Maneaca, kei Ipali, ko Sifo, kei Onama. 24A sa luve i Sipioni koi rau oqo; ko Eya kei Ena: ko Ena oqo ka kunea na mata ni wai katakata mai na loma ni vanua, ni sa vakania tiko na asa i Sipioni na tamana. 25Ia koi rau oqo na luve i Ena; ko Tisoni, kei Aolipama na yalewa na luve i Ena. 26Ia ko iratou oqo na luve i Tisoni; ko Emitani, kei Esipani, kei Icirani, kei Kirani. 27Ko iratou oqo na luve i Esa: ko Pilani, kei Seevani, kei Ekani. 28Koi rau oqo na luve i Tisani; ko Usi, kei Erani. 29Oqo na turaga sa tubu vei ira na luve i Ori; ko Lotani, ko Sopali, ko Sipioni, ko Ena, 30ko Tisoni, ko Esa, ko Tisani eratou turaga kece: oqo na turaga sa tubu vei Ori, vei ira na nodra turaga e na vanua ko Sia.
31Ia ko ira oqo na tui ka lewa eliu mai na vanua ko Itomi, ni sa sega na tui sa lewai ira na Isireli. 32Ia ko Pela na luve i Piori sa lewa mai Itomi: ia na yaca ni nona koro ko Tinapa. 33A sa mate ko Pela, a sa lewa me kenai sosomi ko Jopapa na luve i Sira na kai Posira. 34A sa mate ko Jopapa, a sa lewa me kenai sosomi ko Usami mai nodra vanua na luve i Temani. 35A sa mate ko Usami, a sa lewa me kenai sosomi ko Etati na luve i Pitati, ko koya ka labati Mitiani mai na vanua i Moapi: ia na yaca ni nona koro ko Evici. 36A sa mate ko Etati, a sa lewa me kenai sosomi ko Samila na kai Masirika. 37A sa mate ko Samila, a sa lewa me kenai sosomi ko Saula na kai Riopoci, sa voleka ki na uciwai. 38A sa mate ko Saula, a sa lewa me kenai sosomi ko Peali-anani na luve i Akipori. 39A sa mate ko Peali-anani na luve i Akipori, a sa lewa me kenai sosomi ko Etari: ka sa yaca ni nona koro ko Pau; ia na yaca ni watina ko Meetapeli, na luve i Matireti ka yalewa, o koya na luve i Me-saapi, ka yalewa.
40Ia oqo na yacadra na teuke sa tubu maivei Iso, me vaka na nodra veimataqali, e na nodra veiyasana, me vaka na yacadra; na teuke Timina, na teuke Aliva, na teuke Jiceci, 41na teuke Aolipama, na teuke Ela, na teuke Pinoni, 42na teuke Kinasi, na teuke Temani, na teuke Mipisa, 43na teuke Makitieli, na teuke Irami: ko iratou oqo na teuke kei Itomi, me vaka na nodra i tikotiko, e na vanua erai taukei kina: Ia ko Iso oqo na tamadra na kai Itomi.
Επιλέχθηκαν προς το παρόν:
NAI VAKATEKIVU 36: FOV
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Vakavakadewa Makawa (Fijian Old Version) © Bible Society of the South Pacific