Blasi Sturka 13
13
Ebram Lot wina dakwi takisa
1Ebram Idsip wina taki kli Négueb tasbaya tani ra tawi wan. Witin ai maya, ai dukia nani sut bara Lot sin aikuki brih wan. 2Ebram yuyakira pali takan, daiwan ailal brin, silbar bara gul sin manis. 3Bara witin kli ai ninara tawi Négueb wina tawa impaki kan ban Betel tawanka diman ba kat. Baha wina Betel bara Ai tawanka wal lilapas ra taki wan ai tintka watla ra, witin pat mâki swin kan ba ra. 4Baha tasbaya ra witin altar kum paskan kan ya ba ra, bahara Ebram Dawan ra ai pura suni mayunan.
5Lot sin yuyakira pali kan, ai tahtika Ebram wal baku witin sin sîp bara bîp nani ailal bri kan, upla nani sin witin wal tauki kan; 6sakuna tasbaya witin nani wal iwi kan ba, aitani tara apia kan witin nani ban bâra iwi baha daiwan ailalka nani sut ba pata dakaki kaia. Bamna witin asla ban kaia sip apia kan, 7unsaban bâra kan: Ebram daiwra main kakaira nani ba bara Lot daiwra main kakaira nani ba wal. Bara baha purkara Kenan uplika nani bara ferezeo nani sin pliska ba ra iwi kan. 8Bamna yu kumi Ebram bila Lot ra win: “Man ba yawan wal wan taya sa, bara yamni apia sa wan tilara unsaban bri kaia, man daiwram main kakaira nani ba bara yang daiwri main kakaira nani ba wal. 9Naha tasbaya aiska na man mamwanra bâra sa man dukiam briaia; bamna mamkabisni yang wina dakwi taks. Man yahbra tani ra wama kaka, yang waupasa tani ra wamna, man waupasa tani ra wama kaka, yang yahbra tani ra wamna.”
10Bara Lot Jordan twiya aiska ba tawi kaikan, ban Sóar tawanka sirpi ba kat. Awalka un ba lî ailal bâra sa, giadin tara#13.10 Giadin tara: aisin ba kat tânka ba: Dawan giadinka, Hibru aisinka ra tânka ba wiaia want sa, tara pali apia kaka pranakira pali aihwa. kum baku.#Bla St 2.10. Idsip tasbaya talia kan. (Sodoma Gomora wal Dawan mita kau sauhkras kan ba piua ra kan baku kan.) 11Bara Jordan ilka bîla aiska ba Lot bâk saki witin ai dukia brin. Bamna witin nani bâra kan ba tasbaya wina lalma tani ra tawi wan, bara baku Ebram Lot wal dakwi takan. 12Ebram Kenan tasbaya ra takaskan bara Lot taki wan, Sodoma tawanka tara ba tani ra, il bîla tawanka nani ba lamara iwaia. 13Ban sakuna, Sodoma uplika nani ba upla saura pali kan, saurka lâka tara nani Dawan mapara dauki kan.
14Lot taki wan ba ningkara, Dawan Ebram ra win: “Nanara man bâra sma ba tasbaya wina namkra buki pain laki kaiks, yahbra tani ra bara waupasa tani ra, lalma tani ra bara muna tani ra sin. 15Tasbaya aiska man kaikisma na, man dukiam bara kiamkam nani dukia maikisna ban kaia ra.#Ap St 7.5; Gal 3.16. 16Man kiamkam ba tasba puknika ba baku ailal daukamni. Tasba puknika lupia bani upla sip kulki sakras ba baku, man kiamkam sin upla sip kulki sâkbia apia. 17¡Nanara, bus bara tasbaya aiska yarika bara bîla yahpika nani ba sut wapi kaiks, kan yang bui man ra maikaisna bamna!”
18Bamna Ebram, ai tintka watla kum bukan, bara Hebrón tawanka tara lamara usupum dusa manis pâwi kan ba tasbaya ra waitna kum nina Mamré mâki kan ba bâra iwi kan, bara baha lamara wih iwan. Bahara Ebram altar kum paskan Dawan dukia.
Επιλέχθηκαν προς το παρόν:
Blasi Sturka 13: MSKTU
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2010 Bible Society in Nicaragua