Matayo 15
15
Emyanya era bahokulu be'Bayuta béndee bákangirisa
(Mar 7:1-13)
1Era nyuma se'bi, eBafarisayo* ne'Bakangirisi be'Mwaso* bera kuikira Yesu bátengera mwa musi we'Yerusalemu. Bera kumubusa mbu: 2«Chi chénjire chátuma ebanafunzi* bao bátatunda emyanya era bahokulu betu báturekeraa? Bushi beke baténjire bôwa kwa mino era muhondo se'kulya kukulikana ne'i myanya!»
3Yesu era kubakula mbu: «Nenyu, chi chénjire chátuma mwáisha mwa muomba* wa Ongo, bushi ne'kukulikira emyanya yenyu? 4Si mwìshi kwa Ongo átetaa mbu: ‹Úndaa wátunda eho na nyoko.› #15:4 Somaa Kutenga 20:12; Bukengere 5:16. Kanji era kuteta mbu: ‹Ola ukákamba eshe nesi nyina, ěmire kwîchibwa.› #15:4 Somaa Kutenga 21:17; Balawi 20:9. 5Si mwabo, mwénjire mwáteta mbu emundu ànganabura eshe nesi nyina mbu: ‹Bya nyìngakwêresise kwa kukuasa, nabítulire Ongo mira.› 6Mwa kuira bacha, mu mwénjire mwáteta mbu emundu aténdaa átunda eshe. Na ku mwénjire mwákena eChinwa cha Ongo bacha bushi ne'kukulikira emyanya yenyu!
7«Emu batebanyi! Isaya átetaa kanangana, mango árebaa era luulu senyu mbu:
8‹Bano bandu, kwa bieta ku bénde bányitunda.
Si emichima yabo itúla bure nanyi!#15:8-9 Somaa Isaya 29:13.
9Bushi ekwêra kwa bénde bányera, kunali kwa buha!
Ne'myanya era bénde bákangirisa, ináli myasi era yáirwaa ne'bandu.›»
Bya byénde byábika esinga mwa mundu
(Mar 7:14-23)
10Chasinda, Yesu era kwâmaala eluamba lwe'bandu. Era kubabura mbu: «Mǔmvirisaa kubuya chasiya muményerere bine náhonda kubabura. 11Bya byénde byáya mwa bunu bwe'mundu, atá bi byénde byámubika mwe'singa. Si bya byénde byátenga'mo.»
12Ebanafunzi* bai kukwera kumubura mbu: «eWaliya, ùteshi kwa ei myasi yao yàsibusise eBafarisayo*?» 13Yesu nai mbu: «Chira mbuto yoshi akaba itáingwaa na Tata ola ulí kwa nguba, ichiri ìngashungulibwa. 14Bushi no'ku abu Bafarisayo*, muténdaa mwábalaa'ko, bushi bàli bèmangisi bauta ba bátandaisa banji bauta! Rero, akaba emuuta àngatandaisa muuta mulikabo, boshi kwa banáli babiri bàngatowera mwa fumbi!»
15Petero era kwire ámubura mbu: «eWaliya, ola muanyi, ùtuanululiraa'o.» 16Yesu nai mbu: «Nenyu mùtanasa kuata ebwenge bwe'kumenyerera? 17Si mutábukire kwa byoshi bya byénde byêngirira mwa bunu bwe'mundu, byénde byândaalira mwa bula, chasinda byánatenga'mo mwa kuya era chala. 18Si ebinwa bya byénde byátenga mwa bunu, mwa muchima mu byénde byátengera. Ne'bi bi byénde byábika emundu mwe'singa, 19bushi mwa muchima mu mwénde mwátengera emianyisa ibi, ne'bwichi, ne'lusingi, ne'buhungu, ne'bwisi, ne'kwêkerana ebisha, ne'kwâmaana ebanji bulio. 20Ebi byoshi, bi byénde byábika emundu mwe'singa. Si ekulya busira kwôwa kwa mino, kutangamubika mwe'singa.»
Ebwemeresi bwe'Mukananakasi
(Mar 7:24-30)
21Yesu era kutenga mwe'chi chisiki áya mwa chio che'Tiro ne'che'Sitona. 22Áikire'yi, Mukananakasi muuma we'yi, era kumuikira áenda áchilakangira mbu: «Enawetu, Mwenyi Tauti, unyífiraa bonjo! Mwali wanyi, ebihwasi byámulibusa busese!»
23Si Yesu, chiro ákamwǎkula kandu. Chasinda, ebanafunzi* bai bera kuchifunda ofu nai, na bámubura mbu: «Ono mukasi átuira ku lwayo lunene. Umúburaa atúkule kwe'mufubya tulo!» 24Era kwákula mbu: «Nátumwaa kwa lubaa lwe'Baisiraeli oshâo, bushi ne'kulola kwa báerire nga mbuli.»
25Si wamukasi, era kuika kukoma emafi era muhondo sa Yesu. Era kumwěma ne'bonjo mbu: «Enawetu, unyíasaa!» 26Nai mbu: «Bitěmire kutola ebiryo bye'bana, na kubiuma engunda.»
27Oyu mukasi nai mbu: «Nechi Enawetu! Kubinali bacha. Si engunda nasi, sénde sánalya ebukombo-kombo bwa bwátowanga kwa mesa me'nawabo.»
28Yesu era kumwǎkula mbu: «Eu mukasi, ebwemeresi bwao bùtangamaanyibwa! Bushi no'ku, kwa wáhonda, ku'bíree byánaba.» Mwe'chi chihangi chine'chi, mwali wo'la mukasi era kulama.
Yesu álamya balwala banene
29Era nyuma se'bi, Yesu era kuya kurenga kwa musike se'nyanja ye'Kalilaya. Era kwérukira kwa ndulungu, na ékala'ko. 30Bikembe binene bya bandu byera kumuikira. Bera kumuretera birema, na bauta, na nyaata, na basuru, na banji balwala banene. Abu boshi, bera kubabika era muhondo sa Yesu, nai era kubalamya. 31Ebandu, bera kusanwa busese mwa kulola kwa basuru báteta, ne'birema ala'uma ne'nyaata sáenda sishímire, ne'bauta bálola. Bera kunde bátonga Ongo we'Baisiraeli.
Yesu êucha bandu byumbi bine
(Mar 8:1-10)
32Yesu era kwâmaala ebanafunzi* bai, era kubabura mbu: «Bano bandu boshi, nàbafirire bonjo, bushi suku ehatu sine twamála ala'uma nabo, batéte na kalyo kasibya. Rero, ndáhonda kubalaa bàtanalire bangesha kurengukalira mwa njira ne'businya.»
33Ebanafunzi* bai bera kumubusa mbu: «eWaliya, si buyeye* buno tuli'mo! Ngai u'tùngakula ebiryo bya bìngeucha bano bandu bangana bacha?» 34Yesu era kubabusa mbu: «Mwéte mikati enga?» Nabo mbu: «Twéte mikati erinda, ne'fi sieke-eke, si sikeire.»
35Abu bandu boshi, Yesu era kubabura mbu bafúmbamiraa ala'shi, 36era kutola era mikati, ne'se'fi. Ábere era àtongaa Ongo, era kubiishanga, era kubyeresa abu banafunzi* bai. Nabo bera kubiabiranga ebandu.
37Ebandu boshi bera kulya na kwîuta. Mango ebanafunzi* bálunda-lundaa bya byáshibaa, byera kwîhusa bitonga birinda. 38Ba bályaa ebi biryo, bábaa bàli balume byumbi bine, busira kuanja ebakasi ne'bana.
39Chasinjire, Yesu era kulaa abu bandu. Era kwérukira mwa bwato áya mwa bimbi bye'Makatani.
Επιλέχθηκαν προς το παρόν:
Matayo 15: tbt
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2017 Wycliffe Bible Translators, Inc.