Marc 7
7
Nvitsarea ti Cãtrãsirea di Nãuntru
1Atumtsea s-adunarã avãrliga di nãsu fariseilji shi niscãntsã scribi tsi avea vinitã di Ierusalim. 2Atselji bãgarã oarã cã niscãntsã di ucenitsilji a lui ma mãca pãni cu mãnjili lãvushiti, va s-dzãcã nilati. 3Fariseilji shi tuts Iudeilji nu mãcã nilati ghini mãnjili ma nãinti, tsãnãnda adetsili a vecljilor. 4Shi cãndu s-toarnã dit pãzari nu mãcã nilatã ma nãinti. Suntu multi alti lucri tsi atselji prindi s-li fac ti itia a adetsilor: larea a cupilor, a pocilor, a cãldãrilor shi a paturilor.
5Dapoea Fariselji shi scriblji lu ntribarã: “Cãtse ucenitsilji a tãlji nu facã dupã adetsili a vecljilor, ma mãcã pãni ni aspãlati mãnjili?” 6Ma elu apãndisinda lã dzãsi a lor: “Ghini prufitipsi Isaia trã voi, ipucrits, ashã cum easti scriatã:
‘Aestu popul cu budzili mi tinjiseashti,
ma inima-a lor easti diparti di mini.
7 Ma di geaba mi alãvdatsã,
nvitsãnda unã doctrinã tsi easti unã dimãndari umineascã.’
8Alãsãnda di unã parti ordinlu al Dumnidzãu, ma tsinets adetsili a oamnjilor, aspãlarea a pocilor shi a cupilor, shi fãtsets multi alti ahtãri lucri.” 9Shi ninga lã dzãsi a lor: “Voi hits axii ti arnisiri oridinlu al Dumnidzãu, shi di tsãneari adetulu a vostru. 10Moisiul dzãsi: ‘Tinjisea tatãlu a tãu shi muma a ta.’ Shi: ‘Atselu tsi blastimã tatãlu shi muma, easti giudicatã cu moarti.’ 11Ma voi dzitsets: ‘Macã vãrã lji-dzãtsi a-tatãlui a lui icã ali mumi a lui, itsi pot s-facã trã voi easti un Curban, va s-dzãcã un pishchesh trã Dumnidzãulu,’ 12nu lu alãsats atselu s-facã tsiva di tatãlu a lui icã di muma a lui, 13ashi arnisãnda zborlu al Dumnidzãlu cu adetulu a vostru, tsi voi lu avets clirunumsitã. Shi voi ma fãtsets multi alti ahtãri lucri.” 14Dapoea acljimã tutã lumea avãrliga di nãs shi lji-dzãsi: “Mi ascultats tuts shi aduchits! 15Nu ari tsiva dit nafoarã a omlui, tsi intrãnda tu nãsu s-u lãvãshescu, aljiumtrea sãntu atseli lucri tsi easã di la nãsu tsi u lãvãshescu.” 16[Cai ari ureclji trã avdzãri, s-avdã!]#7:16 Aestu stih nu s-aflã tu itsi manuscrisã grãtseascã. 17Ma napoea, cãndu elu s-turnã la casã, diparti di multsãmea, ucenitsilji a lui lu-ntribarã trã achicãsirea a parabolãljei. 18Shi elu lã-dzãsi a lor: “Shi voi nu avets minti n-capã. Nu-u aduchitsã cã itsi intrã di nafoarã la omlu nu poati s-u lãvãsheascã? 19Cãtse nu lji-intrã tu inimã, ma tu pãnticã, shi deapoea lu-scoatã tu tualet?” Zburãnda ashi, elu li declarã curati tuti mãcãrili.
20Elu dzãsi: “Atsea tsi easi di la omlu, lu fatsi lãvos. 21Cã di nãuntru, va s-dzãcã dit inima a-omlui ies mintuirili arãli, ncãlcarea a cãruniljei, furãrili, vãtãmãrile, 22putãnãsirili, maniilji, ruteatsili, arãdearili, rushinirea, pizma, blãstemlu, mintimãrirea, hãzãmãrili. 23Tuti atseli arãli ies din nãuntru sh-u lãvãshescu omlu.”
Muljerea Siro-Fenicianã
24Deapoea s-nchisi dit aclo shi s-dusi tu cãsãbãulu a Tirlui. Intrã tu unã casã sh-vrea tsi nitsiun s-nu lu shtibã, ma nu putu s-armãnã ascumtu. 25Unã muljearã, tsi hiljea a ljei avea un duh nicuratã, avdzãnda di Isusul, vini sh-cãdzu la cicioarili a lui. 26Tora atsea muljearã eara elenicã, cu rãdãtsinã Sirofenicã. Shi lji pãrãcãlsi a lui tsi s-lu aĝunea draclu di hilja a ljei. 27Iarã Isusul dzãsi: “Alasã cilimenjilji#7:27 cilimenjilji Vrea s-dzãc cilimenjilji a Israelui, shi cãtsãlji a cãnjilor va s-dzãc nu-iudenjilji. prota s-fãnteascã, cãtse nu easti ghini s-ljeai pãnea a-cilimenjilor shi s-u arutsã a cãtsãljilor.” 28Ma ea apãndisi shi lj-dzãsi: “Ghini ma greshtã, Doamne, ma shi cãtsãljilji sum masã mãcã sãrmili a cilimenjilor!” 29Atumtsea elu lj-dzãsi: “Trã aestu sbor a tãu, fudzã, draclu ishi di hiljea a-ta!” 30Sh-ea, cãndu s-turnã la casa a-ljei, u-aflã feata tu pat shi draclu avea ishitã.
Vindicarea a Mutului dit Decapolis
31Dupã tsi s-nchisi nãpoi dit locurli a Tirlui shi s-dusi cãtrã Sidonlu, Isusul agiumsi la amarea a Galileiljei, namisa di loclu a Decapolei. 32Sh-lji adusirã un mut tsi cu zori grea, shi lj-pãrãcãlsirã s-bagã mãnjili pi nãsu s-lu vindica.
33Cum u dipãrtã, diparti dit multsãmea, lj-bãgã dzeadzitli tu urecljilji a lui, shi dupã tsi lã scuchiã dzeaditlu, lj-acãtsã limba. 34Dapoea sculã ocljilji cãtrã tser, suschirã shi-lj dzãsi: “Effatha”, tsi va s-dzãcã: “Discljidi-ti!” 35Shi trãoarã s-discljisirã urechljilji shi s-dizligã gura shi elu gri cum prinde.
36Sh-Isusul lã-ursi atselji tsi s-nu lj-spunea a vãrui. Ma cãt ma multu lã ursea ahtãt ma multu elji lu scurpisea sborlu. 37Shi multu ciudisits, dzãtsea: “Elu itsido lu ari faptã ghini, tsi surdzãlji s-avdã shi mutsilji s-greascã!”
Επιλέχθηκαν προς το παρόν:
Marc 7: BLRR
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε