Zaburi Sya Daud 30
30
Exaltabo te, Domine.
1Yanukunyanyamule, Bambo, ndawa uninyanyamwile munani:
Na uwahekelise lepe pa nenga wakuwipila wangu.
2Bambo Mlungu wangu:
Nakulilile, nu wanilamise.
3Bambo, ugukwelise umi wangu kuhuma pandu pa mahoka:
Unilamise nisiselela pa liwumba.
4Munjimbilaye Bambo zabur, mwenga wa lukolo lwake:
Nu mulisenguse lihina lyake liwalafu.
5Ndawa patemi lepe kikahi kudada kwake: ni fya kulama pa kuyitika kwake:
Mahosi gahotole kusiwilikisa ni kilo, koma pa lukela kululuta.
6Padeta nenga, nakite pa kufwanakila kwangu:
Nakunyukanyuka kitamile mumu pela.
7Bambo pa kuyitika kwako ukiyimike kidunda kyangu mbafu:
Wafihite kyeni kyako, nayile mukuyambanika.
8Kwako, Bambo, nakemile:
Na pa Bambo naganikike.
9Kiki mbendo ya mwasi wangu wona niselile ku liwumba:
Lufumbi yalukufumbule, yaluyenese fya chakaka fyako?
10Yufwana, Bambo, ukanigakise:
Bambo, utame wakunitangatila.
11Uninganamulile kwing’ahisa kwangu pa mwoyo pa malilo kutama utofi:
Uwopwile himbo yangu, nu unikungite mukiwuno nu kuhekelela.
12Nyamele kukwisika kwangu kukuyimbile zabur na mukutama teke:
Bambo Mlungu wangu, yanukufumbule kitamile mumu pela.
Επιλέχθηκαν προς το παρόν:
Zaburi Sya Daud 30: MGSPSA
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
First published in 1913, by the Universities' Mission to Central Africa Mission Press