Pinongurugan 15
15
Janji nu Kinoringan so si Abram
1Kiat nu iri, nokosorou sono si Abram om norongou niyo minutangar TUHAN so iyo nu, “Ikod-o kilaa' Abram. Ingoligan Ku ya ikau kiat so koogutan om taakan Ku ya ikau nu ponuli' maayo,” koo.
2-3Nga sumombuto yo si Abram nu, “Oo TUHAN Maayo Kopogboya'an, pagka d'ado ya anak ku, d'ado kosudaan monaak Ko so aku nu ponuli', so' si Ilijar, ono uripon ku kiat so Damsik-o su kopusaka nu kiawi' orata' ku no,” koo.
4Norongou-o koimbagu ni Abram TUHAN minutangar nu, “Okon-a ko uripon mu no kopusaka nu orata' mu no, nga anak mu ya kondiri,” koo. 5Owito yo nu TUHAN si Abram lumabus om mutongaro yo nu, “Ponsiou-o so langit, om kinami mongiap korombituon-o. Solusuk mu no muinong kosuang nu korombituon oono ong wagu,” koo.#Rm 4:18; Ibr 11:12
6Nopoimaid-o sono si Abram so TUHAN, om soko iri po pinokowarong sono iyo nu TUHAN.#Rm 4:3,22; Gal 3:6; Yak 2:23
7Mutongaro po TUHAN so iyo nu, “Aku yo su TUHAN nopolaiw so ikau kiat so Uur so Babilunia, nu niposongapan Ku so ikau tana' iitu,” koo.
8Mongoduato yo si Abram nu, “Oo TUHAN Maayo Kopogboya'an, onu koo ka kosongapan-ngapan ku nu tana' oono?” koo.
9Sumombuto yo TUHAN nu, “Pongalap-o suat s'Aku ido sapi woinoi, ido kambing woinoi om ido kambing kusoi umur tolu notoun-o, ido bokukur om ido asang,” koo. 10Mongolapo yo si Abram nu kiawi' pongayam oono niusaa' so Kinoringan. Iri sapi, kambing woinoi om kambing kusoi-i pinopas niyo, om pinoputalad niyo popolak popas-popas iiri nu koputingkuang, nga dai ya pinopas niyo duo bombolog-i. 11Uruno yo sono onsi iiri nu bombolog moongokan nu bangkai, nga iniukan ni Abram.
12Lumidop su runat, nokoturuw sono si Abram nu obolong. Milok po su tumuong om sobana ko lumaa' iyo.#Ayb 4:13-14 13Mutongaro yo TUHAN so iyo nu, “Oo Abram, ondomo yo nu kiawi' solusuk mu osiliw nu porantau so wonuo sondiang ong wagu. Ouripon nosiro dii om sindoraayon solaid opat naatus toun.#Kin 1:1-14; P'rapan 7:6 14Nga ukumon Ku ya lobuw mongindoraai nu solusuk mu no, om iya mulaiw nosiro kiat so wonuo oono, mongowit sono nosiro osuang orata'.#Kin 12:40-41; P'rapan 7:7 15Nga suat so ikau, otogui ko, owarong-a poomatoi mu om ilobong ko ya. 16Kologa' so solusuk koopat, kopululi' ya inonakan om komongkupuan mu no tuui, so' susubon Ku lobuw Amuri ong rumaai sobana nosiro, nu opatut ukumon,” koo Kinoringan.
17Nologa' awi ri, milok po su kuwai sono minusit nu soko poomuntunan kilisun om solunsung kisinikit, tinumalib so puola'an nu popas-popas nu pongayam iiri. 18Iya ya iiri minongojanji TUHAN so si Abram nu,#P'rapan 7:5
“Oo Abram, mongojanji Aku nu itaak Ku so solusuk mu kiawi' tana' iitu, ontob nu tana' nu Masir kologa' so Bowang Iprat, 19om osokupan tana' nu lobuw Kini, Kinas, Kadmun, 20Iit, Piris, Ripaim, 21Amuri, Kanaan, Girgasi om Yibusi,” koo.
Επιλέχθηκαν προς το παρόν:
Pinongurugan 15: TomPWPgLgPn
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© 2023 (Active), Wycliffe Bible Translators, Inc. All rights reserved.