Δημοφιλή Βιβλικά εδάφια από Pinongurugan 15

Κοινοποίηση

Nopoimaid-o sono si Abram so TUHAN, om soko iri po pinokowarong sono iyo nu TUHAN.

Kiat nu iri, nokosorou sono si Abram om norongou niyo minutangar TUHAN so iyo nu, “Ikod-o kilaa' Abram. Ingoligan Ku ya ikau kiat so koogutan om taakan Ku ya ikau nu ponuli' maayo,” koo.

Owito yo nu TUHAN si Abram lumabus om mutongaro yo nu, “Ponsiou-o so langit, om kinami mongiap korombituon-o. Solusuk mu no muinong kosuang nu korombituon oono ong wagu,” koo.

Norongou-o koimbagu ni Abram TUHAN minutangar nu, “Okon-a ko uripon mu no kopusaka nu orata' mu no, nga anak mu ya kondiri,” koo.

Mutongaro yo TUHAN so iyo nu, “Oo Abram, ondomo yo nu kiawi' solusuk mu osiliw nu porantau so wonuo sondiang ong wagu. Ouripon nosiro dii om sindoraayon solaid opat naatus toun.

Nga sumombuto yo si Abram nu, “Oo TUHAN Maayo Kopogboya'an, pagka d'ado ya anak ku, d'ado kosudaan monaak Ko so aku nu ponuli', so' si Ilijar, ono uripon ku kiat so Damsik-o su kopusaka nu kiawi' orata' ku no,” koo.

Iya ya iiri minongojanji TUHAN so si Abram nu, “Oo Abram, mongojanji Aku nu itaak Ku so solusuk mu kiawi' tana' iitu, ontob nu tana' nu Masir kologa' so Bowang Iprat

Kologa' so solusuk koopat, kopululi' ya inonakan om komongkupuan mu no tuui, so' susubon Ku lobuw Amuri ong rumaai sobana nosiro, nu opatut ukumon,” koo Kinoringan.