Λογότυπο YouVersion
Εικονίδιο αναζήτησης

Acts 3

3
Inpamapteng Peter I Toon Epilay
1Idi sa-kin akow, kimowan si Peter tan si John cha timplo nonta alas tris na ma-chem tep seman i oras na nainpankararag na Hodjos. 2Gwara ngod man i dahin iyay-anak a epilay. Gwiya-gwa-gwen intahin ched timplo, et insepa red sakepan a engaranan na Mapteng say manpalimos cha tothoon mansesekep cha timplo. 3Idi mita thos Peter tan si John a mansesekep chiwan, iyanpalimos ngod si-kara. 4Et si Peter tan si John, sini-neng cha, et kigwan Peter i “Si-neng mo kawi.” 5Et sema dahi, diritson sini-neng to ira tep niyamnama tho i gwariy i-kan ched si-katho. 6Nem kigwan Peter i “Nagwariy pilak ko, nem say gwared si-kak, osalen kon ontolong cha si-kam. Babaen na panakabalin Jesu Criston i-Nazareth, konen kod si-kam i ‘Pan-ahad ka wa.’ ” 7Et iyagchian Peter i gwanan a diwa niwa dahi et tiyolongan ton imakgwat. Et kimedsang a chakos i seki niwa too, 8et magenon imakgwat et iyan-ahad. Et ekisekep cha Peter tan si John cha timplo, et man-aahad tan manjapjaptok a manchachayaw cha Afo Chiyos. 9Emiin a tood man, idi mita ren man-aahad tan manchachayaw cha Afo Chiyos, 10piyeschian cha i si-katho ma dahin natimokkong cha Mapteng a Sakepan na timplon naiyanpalimos. Et iyasdaaw ired ma epasamak cha si-katho.
Iyantoros Peter Cha Timplo
11Idi iyakcheng iwan, kimowan si Peter tan si John cha partid timplon nakigwan cha i Siroman Solomon, et sema dahin sigod a epilay, pimeket cha si-kara. Et emiin a too, iyanbetik ired kad-an iren Peter tep iyasdaaw ira. 12Idi miten Peter ira ma too, imesel a kigwan to i “Si-kayon poli-polin Israel, niyana iyasdaaw kayo maypangkep na epasamak, tan niyana jowan si-nenga kawi? Kin jo i si-kawiy iyanpaahad niya dahi kagol na panakabalin mi ono kinamapteng mi? 13Enchi, nat si-kawi, no diket sema Chiyos iren Abraham, Isaac, tan si Jacob a afo-afo thayo nonta bayag da, si-kathoy engipamapteng niya dahi say mechejaw si Jesus a naiyansilbid si-katho. Nem si-kayo, in-awat jos Jesus ired ma naiyantoray, et binekan jod ma sangoanan Gobirnador Pilate. Et angken piyan Pilate a idibchi, nat piyan jo. 14Nem binekan jo et si Jesus a esantoan tan nagwaren polos i basol to. Et kigwan jod Pilate i sema toon piyan jon idibchi tho, mabono. 15Biyono yo ma naengi-kan na biyag, nem inpanpawil Afo Chiyos. Et si-kawiy naenistigo i podno man tep sini-neng min mismos Jesus nonta iyanpawil mala. 16Seja dahin jowan si-nenga tan amta yo, sema kagol a kimedsangan to tan mahaahad ma ket, panakabalin Jesus tan pamati wid si-katho. Si Jesus i engidohat na nemnem niya dahi say mematid si-katho. Isonga, koston mimapteng cha sangoanan jon emiin.”
17Intolo-toloy Peter a imesel a kigwan to i “Aahik, amtak i idi inpabono yos Jesus, nat amta yo i si-kathos Criston inkarin Afo Chiyos a ito-no tho di. Angken sema iren naengibalbalnay cha si-kathayo, nat amta ra ngo. 18Nem sema imag jo, si-kathoy inpasing Afo Chiyos a enongpal na inpapadto thod emiin a profita nonta bayag da. Sema inpadto iren ma profita, mesepol a mandigat si Cristo. 19Isonga, panbabawi kayo tan oli kayod Afo Chiyos say a-kalen toy basol jo. Tep no pesing jo man, ipamothok Afo Chiyos i timpon ontalna tan onkedsang i nemnem jo, 20et ito-no tho di mowan si Jesus a Criston sigod a chiyotohan ton mantoray cha si-kathayo. 21Nem mesepol a man-iyan nin si Jesus cha dangit ingkathod onmothok aliy akow no badoan Afo Chiyos a emiin i eparsowed iyaykayang tan chiya dobong. Tep si-kathoy inpaamten Afo Chiyos cha tothoo babaen iren ma esantoan ton profita nonta bayag da. 22Tep si Moses a sa-ki iren ma profita, kigwan to i ‘Mengito-no dis Afo Chiyos cha si-kayo na profiten inges toak. Sema too, sa-kin echom jon poli-polin Israel. Mesepol a iki-ngelan jo man tan a-magen jon emiin i konen to. #3:22 Deuteronomy 18:15, 18 23Sema toon nat manki-ki-ngel cha si-katho tan nat mengemag na konen to, maysi-jan cha tothoon Afo Chiyos et mechosa.’ #3:23 Deuteronomy 18:19 24Sema iren emiin a profita, iyanchogid Samuel ingkathod sema iren iyaysa-dat cha si-katho, inpadto ra ngoy maypangkep na mepesamak niman a timpo. 25Sema iren inkarin Afo Chiyos babaen iren ma profita, para cha si-kayo, tan sema intolag Afo Chiyos ired ma afo-afo yo la, para ngod si-kayo. Tep kigwan Afo Chiyos cha Abraham i ‘Kagol na sa-kin polim, emiin a toon gwared dobong, may-i-kanan ira na panmaptengan cha.’ 26Isonga, si-kawin Hodjos i pilmiron engito-noan Afo Chiyos na bagaen ton si Cristo say tolongan to kiyen Criston memneg na ngaaw a naima-imag tayo. Inpasing Afo Chiyos iwan tep piyan ton mengi-kan cha si-kathayo na panmaptengan tayo.”

Επιλέχθηκαν προς το παρόν:

Acts 3: KAR

Επισημάνσεις

Κοινοποίηση

Αντιγραφή

None

Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε