লূক 24
24
সিয়ানি সাক্কাও হা·ম্মা
1আনথিনি স্খাংগিবা সালো ফ্রিংওয়ালনি উয়া মিচিকরাং উয়া সিম্মিলগিবা তেলখো রা·এ গোপরামওনা রি·য়াংজক। 2বিসং গোপরামনি মিকখাংনিখো রং·থিখো জিত্তেতাখো নিকজক, 3ইন্দিবা গোপরামনি নিং·আওনা নাপ্পে বিসং গিত্তেল যীশুনি বে·এনখো নিকজাজক। 4উনি গিম্মিন বিসংনি আইয়াও ইনমানে চানচিমিত্তিংওন মিকখা রিপরাপা গিত্তা চিং·চেতা বা·রাখো গানগিবা মান্দি সাকগ্মি বিসংনি কেচ্চিও রি·বাএ চাদেংজক। 5ইনি গিম্মিন মিচিকরাং খেন্নে স্খুখো বামগোপজক। মি·আসা সাকগ্মি বিসংনা আগানজক, “থাংগিবাখো সিগিবারাংনি গিসেপো মুয়ানা সান্দিংআ? 6বিয়া ইনো দংজা; বিয়া থাংচাফিলজক। বিনি গালীলও দংমিত্তিংও বিয়া না·সংনা জেখো আগানামিং উখো গিসিক রা·এ নিবো। 7বিয়া আগানামিং, মান্দিনি দেফান্থিখো পাপী মান্দিরাংনি জাক্কো রি·ম্মে হ·ন্নুয়া। উনি জা·মানো বিখো চিসলো দাৎখাপনুয়া আরো সাল গিত্থামনি সালো দা·আবা বিয়া থাংচাফিলনা নাংনুয়া।”
8উনোন বিসং উয়া খাৎথাখো গিসিক রা·জক। 9বিসং গোপরামওনি ফি·ল্লাংএ উয়া সাকচিসা জা·রিকগিবারাংনা আরো গিপ্পিনরাংনা ইয়া খাৎথারাংখো আগানজক। 10উয়া মিচিকরাংনি গিসেপো মগ্দলীনী মরিয়ম, যোহানা আরো যাকোবনি মা·গিবা মরিয়ম দংআমিং। বিসংমুং দংগিবা গিপ্পিন মিচিকরাংবা ইয়া গিম্মিক খাৎথারাংখো ওয়াত্তেতারাংনা আগানজক। 11ইন্দিবা উয়া খাৎথারাংখো বিসং হং·গিজা-নাংগিজা খাৎথারাং গিত্তা দাকনিকজক। উনি গিম্মিন উয়া মিচিকরাংনি খাৎথাখো বিসং বিবিরা·জাজক। 12ইন্দিবা পিতর চাখাত্তে গোপরামচানা খাত্তাংজক আরো বামগোপে বা·রারাংখোসান নিকজক। ইন্দাকে হং·আরাংনি গিম্মিন বিয়া আইয়াও ইনমানে ফিল·বাজক।
ইম্মায়ু সংনি রামাও
13উয়া সালোন সাকগ্মি জা·রিকগিবা ইম্মায়ু মিংগিবা সং দামসাওনা রি·য়াংআমিং। উয়া সং যিরূশালেমোনি মাইল স্নিসা চে·ল্লাও দংআমিং। 14হং·গিবারাংখো রা·এ বিসং আগানগ্রিকিংআমিং। 15উয়া সময়ও যীশু আন·থাংআন উনো রি·বাএ বিসংমুং রি·য়াংফানা হা·বাচেংজক। 16বিসংনি মিক্রোন মিকচিপা গিত্তা দাক্কামিং, উনি গিম্মিন বিসং যীশুখো হা·আইনা মান·জাজক। 17উনোন যীশু বিসংনা আগানজক, “না·সং মুয়াখো আগানে রি·য়াংইংআ?”
উয়া সাকগ্মি জা·রিকগিবা মিকখাং সিমফ্রাকে চাদেংএ দংজক। 18উনোন ক্লিয়পা মিংগিবা বিসংওনি সাকসা যীশুখো সিং·জক, “না·আন যিরূশালেমনি সাকসা খাম·খাম মান্দিমা জেআন দা·আওরোরো উচা মুয়া হং·ইংজক উখো হা·আইজা?”
19যীশু বিসংনা আগানজক, “মুয়া হং·ইংজক?”
বিসং আগানজক, “নাসরত সংনি যীশুনি গিম্মিন জেরাং হং·জক। বিয়া আগানসোগিবা হং·আমিং। বিয়া কামও আরো খু·সুকও ইসল আরো গিম্মিক মান্দিনি মিক্রোনও বিল্লাকগিবা হং·আমিং। 20আনচিংনি খামাল দাল·গিবারাং আরো থরমনি দাল·গিবারাং বিখো রোমানরাংনি জাক্কো রি·ম্মে হ·ন্নামিং জেদাক্কে বিসং বিচাল দাক্কে বিনা সিয়ানি শাস্তিখো হ·ন্না। জা·মানো উয়া যিহূদীরাংনি দাল·গিবারাং বিখো চিসলো দাৎখাপামিং। 21বিয়ান ইস্রায়েলখো ফি·ওকনুয়া ইন্নে চিংআ খা·দংআমিং। ইয়াসান হং·জা, ইরাং হং·আনি দা·আল সালগিত্থাম হং·আংফিলজক। 22দা·আবা চিংনি দলওনি মিত্তাম মিচিকরাং চিংখো আইয়াও ইনমানেতজক। বিসং ফ্রিংওয়ালনি যীশুনি গোপরামওনা রি·য়াংআমিং, 23ইন্দিবা উনো বিনি বে·এনখো নিকজাজক। বিসং রি·বাফিলে আগানজক, বিসং সা·গ্রেরাংখো নিক্কা আরো উয়া সা·গ্রেরাং বিসংনা ইখো আগানা যীশু থাংএ দংআ। 24উনোন চিংমুং দংরিমগিবারাংওনি মিত্তামরাং গোপরামওনা রি·য়াংএ মিচিকরাংনি আগানা গিত্তা নিকজক, ইন্দিবা যীশুখো নিকজাজক।”
25উনোন যীশু বিসংনা আগানজক, “না·সং মামুংখোন হা·আইজা। না·সংনি গিসিক ইন্দাকফিল্লে গক্কানি গিম্মিন আগানসোগিবারাংনি আগানাখোবা না·সং বিবিরা·জা। 26ইয়া দুকরাংখো চাক্কে খ্রীষ্টনি রাসংখো মান·দাপানি খাৎথা দংজামিংমা?” 27উনি জা·মানো বিয়া মোশিনি আরো গিম্মিক আগানসোগিবারাংনি চক্কারাংওনি হা·বাচেংএ রংথালগিবা শাস্ত্রও বিনি আন·থাংনি গিম্মিনো চকগিবা গিম্মিকখোন বিসংনা থাল্লে আগানজক।
28বিসংনি রি·য়াংগিবা সংনি সেফাংওনা সকবাওন যীশু বাং·এ চে·ল্লাচানা জিত্তাংনা হা·ম্মা গিত্তা দাকজক। 29উনোন বিসং বিখো মল·মলবিএ আগানজক, দা·আও সাল রি·য়াংজক, হান·থামিংজক। না·আ চিংমুং দংফাবো।”
উনি গিম্মিন বিয়া বিসংমুং দংফানা নক্কোনা নাপজক। 30বিয়া বিসংমুং চা·না আসংওন রুটিখো রা·এ ইসলখো মিৎথেলজক আরো উখো ফি·এ বিসংনা হন·জক। 31উনোন বিসংনি মিক্রোন এংআংজক; বিসং যীশুখো হা·আইনা মান·জক, ইন্দিবা উনি জা·মানোন বিখো নিকজাজক। 32উনোন বিসং সাকসা সাকগিপ্পিননা আগানজক, “রামাও বিয়া আনচিংমুং খাৎথা আগানমিত্তিংও আরো রংথালগিবা শাস্ত্রনি অর্থখো আগানমিত্তিংও আনচিংনি খা·থং খামদোজামিংমা?”
33উনোন উয়া সাকগ্মি চাখাত্তে যিরূশালেমোনা রি·য়াংজক আরো উয়া সাকচিসা জা·রিকগিবারাংমুং গিপ্পিনরাংখোবা হা·দাম দামসানো নিকজক। 34গিত্তেলনি চাখাতফিল্লানি গিম্মিন আরো শিমোননি মিকখাং ফা·আনি গিম্মিন বিসং উনো আগানিংআমিং। 35উয়া সাকগ্মি জা·রিকগিবারাং রামাও হং·গিবারাংখো বিসংনা আগানজক। বিনি রুটি ফি·মিত্তিংও বাদিকে দাক্কে বিসং বিখো হা·আইনা মা·ন্নামিং উখোবা বিসং আগানজক।
গিত্তেল যীশু জা·রিকগিবারাংনা মিকখাং ফা·আ
36উয়া জা·রিকগিবারাং ইন্দাকে খাৎথা আগানমিত্তিংও যীশু আন·থাংআন বিসংনি গিসেপো রি·বাএ চাদেংএ বিসং গিম্মিকনা আগানজক, “না·সংনি থম·থম হং·খানা।”
37বিসং মি·মাং নিক্কিংজক ইন্নে চানচিমান্নে নাম্মেন খেনজক। 38যীশু বিসংনা আগানজক, “মুয়ানা না·সং জাজ্রেংআ আরো মুয়ানা না·সংনি গিসিকও খেনচাকিংআ? 39আংনি জাক আরো জা·চকখো নিবো। নিবো, ইয়ান আংআ। আংখো রি·ম্মে নিবো, মুয়ানা আংও দংআ গিত্তা মি·মাংনি বে·এন গ্রেংরাং দংজা।” 40ইয়া খাৎথাখো আগানে যীশু বিনি জাক আরো জা·চকখো বিসংনা ফিন্নিকজক। 41ইন্দিবা বিসং ইন্দাকফিল্লে আইয়াও ইনমানানি আরো খুসি হং·বিয়ানি গিম্মিন বিবিরা·না মান·জাজক। উনোন যীশু বিসংনা আগানজক, “না·সংনি ইয়ো চা·আনি মামুং দংআমা?”
42বিসং বিনা না·থক জো·আ মাংসাখো হন·জক। 43বিয়া উখো রা·এ বিসংনি মিকখাংওন চা·জক। 44জা·মানো বিয়া বিসংনা আগানজক, “আংআ না·সংমুং দংমিত্তিংও আগানামিং, মোশিনি নিয়ামও, আগানসোগিবারাংনি চকগিবা আরো গীতরাংও আংনি গিম্মিনো চকগিবা গিম্মিকান চু·সকনা নাংনুয়া।” 45-46রংথালগিবা শাস্ত্রখো হা·আইখানা গিত্তা বিয়া জা·রিকগিবারাংনি বুদ্ধিখো খুলিয়েতজক আরো বিসংনা আগানজক, “চক্কা দংআ, খ্রীষ্টখো দুক চাকনা নাংনুয়া আরো সালগিত্থামনি সালো সিয়াওনি চাখাতনা নাংনুয়া। 47আরোবা চক্কা দংআ, যিরূশালেমোনি হা·বাচেংএ গিম্মিক জাতনা খ্রীষ্টনি বিমুংও ইয়া খাৎথাখো আগানফ্রাকনুয়া, পাপওনি গিসিক ফি·ল্লোদে পাপওনি ক্ষেমা মা·ন্না। 48না·সংআন ইরাংনি সাক্ষি হং·আ। 49নিবো, আংনি আপফা জেখো হ·ন্না খু·রাচাক্কামিং উখো আংআ না·সংনা ওয়াত্তেতনুয়া। সালগিওনি বিলখো মান·খুজানা দিপ্পাৎ না·সং ইয়া সংজিলমাওন দংসোবো।”
গিত্তেল যীশু সালগিচানা রি·য়াংজক
50জা·মানো যীশু বিনি জা·রিকগিবারাংখো রা·এ বৈথনিয়াওনা সক্কে রি·য়াংজক। উনো বিয়া জাকখো দি·দোএ বিসংনা ফাত্তিজক। 51ফাত্তিমিত্তিংওন বিয়া বিসংখো ওয়াত্তে রি·য়াংজক আরো বিখো সালগিওনা দি·দোএ রা·আংজক। 52উনোন বিসং হা·আও থুগোপে অলাখিয়ে বিখো ইসল গিত্তা মান্দিরা·জক আরো খুসি হং·বিএ যিরূশালেমচানা ফি·ল্লাংজক। 53বিসং ফাংনান থরম নক্কো দংথিমে ইসলখো মিৎথেলনা হা·বাচেংজক।
Επιλέχθηκαν προς το παρόν:
লূক 24: GLNT
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
This translation was published by The Bangladesh Bible Society in 2004 © BBS 2004.