Luc 22
22
Fundu aji bamatungila Jesus
(Matt 26.1-5; Marc 14.1-2; Jean 11.45-53)
1Temu jifeta jimapa magambu na dufunusu, ajimanengulu Paque jimatola. 2Bivunda bibavagulitsi bapagu na milonsi mimigaga bamaronda uboka Jesus tumba bamaduma batu.
Judas ukunsa ekunsi kwakusulu Jesus
(Matt 26.14-16; Marc 14.10-11)
3Mbana Satan amakota ombu Judas ajimalugu Iscariote, jandi amaba umosi va gari digumi na badukitsi babeji. 4Judas amawenda uyekunsa kwakusulu Jesus na bivunda bibavagulitsi bapagu na bibagora. 5Bamalaba nsangu na bamavangana umuvega mbongu. 6Judas anotunga fundu nogu amabanda ukunsa motsu ubawakisa Jesus o musuega.
Jesus ukunsa ekunsili badukitsi bandi feta Paque
(Matt 26.17-25; Marc 14.12-21; Jean 13.21-30)
7Feta tsiotsu tsimapamagambunadufunusu vamaba yilumbu ayi bamabokila bindombu bimulambu uPaque. 8Yilumbu yieni yinotola Jesus amaretsiga Pierre na Jean nobatsingula rie: Wendanu utulambila biguji biPaque yiri tubijianu. 9Bamamuwagula rie: Agunyi guirondi yiri tubilambila? 10Amabagabusila rie: Guluanu ava dutolila o musiengi jenu dubenguna na dibaala adiwendi na tsuva mamba. Mudukianu, ava okotila o ndagu 11dukavosa na odila ndagu rie: Mulonsi ewivuli rie: Jetu na badukitsi bami tugodila mbura aji tulila Paque? 12Odulonsa yibuku yineni yiminsu ayivu o julu, amuna dulambila biguji biPaque. 13Banowenda bamarasuna motsu nana Jesus amavosila; bamayelamba biguji biPaque.
Tavula Fumu
(Matt 26.26-30; Marc 14.22-26; 1 Cor 11.23-25)
14Diweru dinotola, Jesus amatsana va tavula nabilumbi biandi. 15Amabatsingula rie: Nsisinsa uronda uviosa Paque ejiji nenu ne ngalasu maguga. 16Nyidutsinguli rie: Ngomuebiji te na motsu modugu ava Durumu duNsambi dujabununu.
17Mbana anobonga kopa amagabusila Nsambi diboti na amavosa rie: Bonganu kopa ejiji na jigabinianu. 18Mu mbari menu ngomuenu mamba mamilunda te na Durumu duNsambi dujabunu.
19Mbana amabonga dipa na anomana ugabusila Nsambi diboti amadibukula. Amabagabila novosa rie: Adudu la dunyuru duami [adimavegu mu diambu dienu. Vaganganu nana mutangimina.
20Banomana uji amavaga munongu mosi na kopa, amajibonga novosa rie: Kopa ejiji la yirangumunu yimalungu mami amamadekanga mu diambu dienu.]
21Labanu oyimufundi aji nami va tavula ejiji. 22Muana Mutu ofu nana amaditabula. Ka muna maguga ma mutu agumamufunda olaba! 23Bamabanda uwivusana rie: Anyi orungula udivaga?
Anyi avu muneni?
24Badukitsi bamaba na mutsundu mu mbari bamagalana buneni. 25Jesus amabatsingula rie: Nyiina, bakaga belasi batu maguga na jogu abavu na musuga benengulungu rie: Bavayitsi bamaboti. 26Diyaba nana va gari enu. Tumba aguviolila muneni va gari enu abi nana mutu ugeyi na oyirumi abi nana musalitsi. 27Anyi aji muneni, jandi oyitsani va tavula vo oyijikunsi? Ojivu va tavula, mbeyianu? Yimaga! Menu nyiji va gari enu nana musalitsi.
28Jenu dumawarilanga mbangulu tsiotsu va mosi nami. 29Kabogu nana Tata amapeyila musuga uruma nyivangini nenu munongu mosi rie: 30Duji nonu nami ava Durumu duNsambi dujabununu na dutabulila digumi na bifumba bibeji biIsrael bunsonsi.
Jesus ubiga ebiyi yiri Pierre omugala
(Matt 26.31-35; Marc 14.27-31; Jean 13.36-38)
31Fumu amavosa rie: Simon, Simon! Gulu, Satan amadila musuga uduweliga, jenu botsu: nana mutu oyisayi uresi esayili uresi ugusula bipupu, adina oduvayila. 32Tumba Pierre, nyimasambila yiri yitu yiagu yigodeda. Ava gukalulila diela gukawarisa baana bataji bagu.
33Pierre amamuwaka rie: Fumu nyiji ukunsama uwenda nagu nesi o tsugu nesi o dufu.
34Jesus amamuwagula rie: Pierre, namunyi ne koku akavosa ukala kumbu yirieru.
Mbongu na komi na dijenga
35Jesus amabawivula rie: Ava nyimaledugandisila rie: Duyalinga na mbongu nesi bakomi nesi bapondu, dumagambu na yima? Bamamugabusila rie: Ne yimosi!
36Amabatsingula rie: Namunyi disaa nana. Jandi ona mbongu abeyingi; ogaa na dijenga asumbisi yikutu yiandi nosumba dijenga. 37Nyidutsinguli rie: Diambu adimasonu mu diambu diami vengu diudugusu. Diwendi rie: amatalu va mosi na bavayitsi bamabi. Adimasonu mu diambu diami diulabana namapapa.
38Badukitsi bamavosa rie: Fumu, labati majenga mabeji. Amabawaka rie: Vana dedi.
Jesus usambila esambili
(Matt 26.36-46; Marc 14.32-42)
39Jesus anopala amawenda o mukongu umiOlive nana yifu yiandi yimabila na badukitsi bandi bamafubana nsila nandi. 40Ava amatolila va mbura eni amabatsingula rie: Sambilanu yiri dumangu dugoduviolila.
41Mbana amakakana nogu nana vava na vana na anokutama amasambila rie: 42Tata, pa guisingi, nyiyanu kopa ejiji jimaguga. Tumba tsiri duganu duami duvagu, aduagu duvagu. [ 43Mbana yiansa yimalabana nandi umuwarisa. 44Na munyongu uneni amawarisa usambila te na amarugama dirugama adimaba yika malungu amamabonduga va tsi.] 45Jesus anomana usambila amagabuga ombu badukitsi na amabarasuna bilu mu diambu dimunyongu. 46Amabawivula rie: Mu mbari yi duiwendili bilu? Relamanu na sambilanu yiri dumangu dugoduviolila.
Begaangi Jesus
(Matt 26.47-56; Marc 14.43-50; Jean 18.3-11)
47Yika uvosa evosi na batu bapuela bamabarasuna, Judas, umosi va gari digumi na badukitsi babeji, amaba yibegandonga, amakueka ombu Jesus na amamubumba. 48Jesus amamuwivula rie: Judas yi guivayi? Guifundi Muana Mutu nana?
49Ava badukitsi baJesus bamalabila adimaba bamamuwivula rie: Fumu, tutoga nogu na majenga? 50Umosi amanemisa musalitsi uyivunda yibavagulitsi bapagu ava amamutabulila dituji dimabaala. 51Tumba Jesus amavosa rie: Vana dedi!
Amabemba dituji didibaala dieni na amamubelusa. 52Mbana Jesus amavosa na bivunda bibavagulitsi bapagu na bivunda bibagora na bivunda bisusu rie: Kabogu dutsiruga na majenga na banguangu nana ombu yikongu? 53Bilumbu biotsu nyibetsi nenu o Ndagu Nsambi na dugaakaanganga. Mbukua, diweru diedidi divu adienu na dijogu aberumi yiliyili.
Pierre ugala egali Jesus
(Matt 26.57-58, 69-75; Marc 14.53-54, 66-72; Jean 18.12-18, 25-27)
54Banogaanga Jesus, bamamubega o ndagu yivunda yibavagulitsi bapagu. Pierre amayenabadukanga va gegeyi. 55Muji umabangusu va dulombili na Pierre amatsana na botsu abamaba vana. 56Musalitsi umugetu amamulaba ugora egori muji; amamugengila yisuisu mbana amavosa rie: Dibaala diedidi abetsi nandi wandi.
57Tumba Pierre amamugala rie: Ngemujabi.
58Mua pesu temu dibaala amamulaba na amavosa nandi rie: Ndeʼ wagu guji nogu, mbe?
Pierre amavosa rie: Ngaa muna.
59Banomuetsana diweru, dibaala disusu amamukambisa novosa rie: Dingensa dibaala diedidi abetsi nandi mu mbari jandi wandi aji muisi Galilee.
60Pierre amamuwaka rie: Ngejabi adi guivosi. Yika uvosa evosi na koku jimakokarana. 61Fumu anogeluga amagengila Pierre. Pierre amarangimina adi Fumu amavosa nandi rie: Namunyi ne koku akavosa gukala kumbu yirieru. 62Pierre anopala, amalila na munyongu.
Upeji bepeji nodimba Jesus
(Matt 26.67-68; Marc 14.65)
63Babaala abamagaanga Jesus bamamudesanga na bamamudimbanga 64na banomukubiga yinsi bamamuwivula rie: Anyi atsigudimba? Tubula! 65Va julu vana bamamusienganga na bamamupejanga.
Jesus va gusu bivunda bineni
(Matt 26.59-66; Marc 14.55-64; Jean 18.19-24)
66Wisi unotebuga, dibuli dibivunda bibaJuif na bivunda bibavagulitsi bapagu na milonsi mimigaga bamagukama na bamabega Jesus o yibenguna yiogu. 67Bamamuwivula rie: Ndeju la Christ? Ka tutubulili!
Jesus amabagabusila rie: Pa nyudivosa dugopayila yitu; 68pa nyuduwivula yivu dugogaru ukwagula. 69Dibi nana, namapapa Muana Mutu otsana va mabaala maNsambi Mangolu.
70Botsu bamawivula rie: Kabogu guji Muana Nsambi?
Amabagabusila rie: Nyiina, nana duivosili, nyiji Muana Nsambi.
71Mbana bamavosa rie: Tugomueromba bambeji. Jetu beni na jetu beni tsia tusamamugulu?
Επιλέχθηκαν προς το παρόν:
Luc 22: PUU1992
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
La sainte Bible en langue Yipunu © Alliance Biblique du Cameroun, 1992.