'Olic 33
33
O Sapahmek a Radiw
1Kamo o polong no mo^celay a tamdaw, pipasayra i Tapang a milkal,
kamo o polong no mo^celay a tamdaw, pipahmek i Cingraan a ma^min.
2Pidatok a pahmek a miahowid to Tapang,
ka o mo^tepay ko kliw a datok ko sapahmek a romadiw i Cingraan.
3Patngilen Cingra to fa^lohay a radiw,
songila'en ko pidatok, satata'angen ko ngiha' a romadiw.
4O so'linay ko sowal ato nidmakan no Tapang a ma^min.
5O mo^celay ato malalenay a dmak ko kaolahan no Tapang,
maldef ko hkal to caay ka falic a olah Ningra.
6O nano sowal no Tapang ko sakasanga' no kakarayan ato cidal ato folad ato fo'is.
7Samatiya han Ningra o piparo i ci^keng#33.7 ci^keng -- o roma i, ciwkeng, talafinan, flalonan. to nanom ko nipipalaccay a patli to nanom no riyar.
Matiya o mina'angay i 'ariri ko pipatli Ningra to nanom no riyar.
8Kamo o polong no i hkalay a ma^min, kangodoen ko Tapang,
kamo o i hkalay a tamdaw a ma^min, kangodoen Cingra.
9Pasowal han Ningra i, irato ko hkal,
palimo'ot han Ningra i, irato ko kalomaamaan.
10Palasawaden no Tapang ko nisahalakaan no kasakitakit ato nisafacoan no kasafinawlan.
11O nisahalakaan no Tapang ato nafaloco'an Ningra i,
caay ka falic a tahada'oc.
12O mangodoay to Tapang, o Kawas niyam sanay a kitakit i,
tada o malmeday.
O nipili'an Ningra to maloningra a finawlan i, tada o malmeday.
13Pasila^no ko Tapang a minengneng to polong no tamdamdaw.
14Mikcor Cingra nai kamaro'an Ningra a minengneng to i hkalay
a finawlan.
15Cingra ko misafacoay to faloco' no kahaccaccay a tamdaw,
mafana'ay Cingra to nidmakan nangra a ma^min.
16Caay ko nika 'aloman no sofitay ko sapakalowid no hongti,
caay haca ko nika ci'icel no sofitay ko sakapipa'orip ningra.
17Caay ko piti'er to sapilood a ^fa ko sapakalowid,
caay ko 'icel no ^fa ko sapa'orip to tamdaw.
18Dipoten no Tapang ko mangodoay i Cingraan a tamdaw,
dipoten Ningra ko mitadi'ecay to sini'ada Ningra a tamdaw.
19Pa'oripen Ningra cangra a paliyas nai patay,
yo makdal i, pa'oripen Ningra cangra.
20O pafaloco'an ita ko Tapang,
o padamaay, o midipotay i titaanan Cingra.
21Matomes no lipahak ko faloco' ita,
nawhani o miti'eray kita to fangcalay a ngangan Ningra.
22 Tapangaw, Kiso ko kacifaloco'an niyam,
nanay mararid ko sini'ada Iso a mikapot i tamiyanan.
Επιλέχθηκαν προς το παρόν:
'Olic 33: AMIS2019
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© The Bible Society in Taiwan, 2019