'Olic 31
31
O Miti'eray a Pitolon
O 'olic ni Tafiti. Mapatorod i kakridan no paradiway.
1 Tapangaw, milongoc kako to pipa'ading Iso i takowanan,
nanay caay pakatoleden Iso kako a pakangodo.
O mo^celay a Kawas Kiso saka,
nanay pa'oripenho Iso kako!
2Nanay tngilenho ko pitolon ako,
kalamkamen a mipadama kako!
Nanay malapilimekan ako Kiso a midipot i takowanan,
nanay malapisitaraan ako Kiso a pa'orip i takowanan.
3O pilimekan a 'ongcoy ako Kiso, o pisitaraan ako Kiso,
nanay do^doen Iso ko niktonan Iso a sowal a mikrid i takowanan.
4Nanay paliyasen kako nai satilo no tao,
nawhani o pilimekan ako Kiso.
5Patoroden ako i Tisowanan ko 'adingo ako,
Tapangaw, o so'linay a Kawas Kiso,
o mamipa'oripay Kiso i takowanan.
6Mi'intel kako#31.6 kako -- i katlangay a cudad o kiso saan. to mita'ongay to mangah a kawas,
nikawrira, miti'er kako to Tapang.
7Malipahak kako to caay ka falic a olah Iso,
manengneng Iso ko pisemsem ako,
mafana' Kiso to nika pades ako.
8Caay papirpeten Iso ko 'ada i takowanan,
palimeken Iso kako i karihadayan.
9 Tapangaw, nanay kaadayayen kako,
nawhani tahapades kako,
mapato'to ko mata ako to nano katomangican ako,
sararima sato ko tireng ato faloco' ako.
10O nano pisemsem ako ko sakamalasawad ko 'orip ako,
o nano rarom ako ko sakamamoko' ko mihcaan ako.
O nika pades ako ko sakatadancato kako,
halo'okakto ako a ma'icang.
11Milokes i takowanan ko 'ada ako a ma^min,
matawa ko fiyafiyaw ako i takowanan,
halowidawidang ako a matalawto i takowanan,
malitmoh nangra kako i lalan i, miliyas cangra.
12Matiya o mapatayay kako a matawalto nangra,
matiyato o nifalahan a lakaw kako.
13Matngil ako ko kalahawhaw no 'alomanay a 'ada ako,
katalawan a ma^min ko taliyokay ako.
Misahalaka cangra to sapikari'angaw i takowanan,
sapipatayan cangra i takowanan.
14Nikawrira, Tapangaw, miti'er kako i Tisowanan,
o Kawas ako Kiso.
15Mararid a madipot Iso kako,
nanay paliyasen kako nai 'ada ato mikari'angay i takowanan.
16Nanay kasini'adaenho Iso a midipot ko matayalay Iso,
o caay ka falic ko olah Iso saka, nanay pa'oripenho kako.
17 Tapangaw, mitahidang kako a milongoc i Tisowanan,
nanay caay pakasefaden Iso ko faloco' ako.
Nanay matfad ko tatiihay a tamdaw,
i kaitiraan no mapatayay, ta caayto ka caciyaw cangra.
18Nanay sooten Iso ko ngoyos no misamangahay,
nanay caayto ka caciyaw ko misalata'ata'angay, milokesay,
mikari'angay to mo^celay a tamdaw.
19Wata: ko nika adihay no nina'angan Iso a makapahay a maamaan to saki mangodoay i Tisowanan.
Dipoten Iso ko miti'eray i Tisowanan,
tadamakapah a nengnengen no tamdamdaw ko nidmakan Iso.
20Palimeken Iso cangra i ka'ayaw Iso i karihadayan, ta caay ka kari'ang no misa'imeray a tamdaw,
palimeken Iso cangra i karihadayan a mitahpo, ta caay ka samsam no 'ada cangra.
21O hahmeken ko Tapang.
Yo malikot no 'ada kako a milood i,
pahapinang Cingra to caay ka falic a olah Ningra i takowanan.
22Cihinapec a matalaw ko faloco' ako,
latek o nifalahanto Iso kako nasa kako,
nikawrira, yo pasayra kako a mingitangit to pipadama Iso i,
mitngil Kiso to pingitangit ako.
23Kamo o so'linay a finawlan no Tapang, kaolahen Cingra.
Dipoten no Tapang ko so'linay ko faloco' a tamdaw,
nikawrira, caay ka samadah ko pitfoc Ningra to misatakaraway a tamdaw.
24O polong no hinatalaay to Tapang,
saki^melen, kacicdi kamo.
Επιλέχθηκαν προς το παρόν:
'Olic 31: AMIS2019
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© The Bible Society in Taiwan, 2019