'Olic 14
14
O Faloco' no Tatiihay a Tamdaw
('Olic 53)
O 'olic ni Tafiti. Mapatorod i kakridan no paradiway.
1O misalata'ata'angay a la^ngo^ngo a tamdaw i,
<<Awaay ko Kawas,>> saan.
O mapohedayto cangra a ma^min, midmak cangra to tatiihay a dmak,
awaay ko ccaccay aca a nga'ayay ko dmak a tamdaw.
2Pasila^no ko Tapang i kakarayan a minengneng to i hkalay a tamdaw,
iraay hakini ko mafana'ay a tamdaw,
iraay hakini ko milongocay to Kawas.
3'Arawhani, miliyas to mo^celay a lalan ko tamdamdaw a ma^min,
sahto o mapoheday ko dmak nangra a ma^min.
Awaay ko ccaccay aca a tatamdawan to nidmakay to nga'ayay.
4Saka, licay sa ko Tapang, <<Caay kafana' ko tatiihay a tamdaw saw?
Iro sahto o mafokilay cangra haw?
Ta'moden nangra ko finawlan Ako, mafokil cangra a mitolon a milongoc i Takowanan,>> saan.
5Nikawrira, o mamackok cangra a matalaw,
nawhani ira a mikapot ko Kawas to mo^celay a tamdaw.
6Katawaen no tatiihay a tamdaw ko nisahalakaan no pakosiya a tamdaw,
nikawrira, o Tapang ko piki'adingan ningra.
7Nanay masadak nai Cion ko papa'orip to Israil!
Itiya i, o laliyawen no Tapang a palowad ko kasaparod no finawlan Ningra.
O lalipahak ko tloc ni Yakop,
o mamahmek ko Israil a finawlan.
Επιλέχθηκαν προς το παρόν:
'Olic 14: AMIS2019
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
© The Bible Society in Taiwan, 2019