Lukas 2
2
Sar biandilo o Jesus
Mt 1.18-25
1Ande gola llivesa o charo o Augusto Sesar bichalda te llinen sa e manusen. 2Gava purvo llindipe cherde le kana o Sirenio gazdarila ande Siria. 3Sa e llene saia te llantar isto ande pe forura te llinen len. 4Goleke o Jose likisto katar o foro o Nazaret, kai achel ande Galilea ta llelo ande Judea, ando foro o Belen kote kai biandiloia o David, soke o Jose saia katar e vicha e Davideki. 5Llelo ando Belen pe rromiaia e Mariaia te llinen le. 6Ta kana sea ando Belen, avilo o vreme te maladol e Mariake. 7Kote maladilo lako purvo minono, ta ulisarda le ande pelene ta inzarda le andre ando cher kote kai thovena e bakren soke ni saia kai te nakhen e riat.
E suechura ta e chobanura
8Kotar pase sea nesave chobanura kai nakhena e riat ando vos ta arakhena pe bakren. 9Ta sikadilo lenge iek suecho e Devleko, ta o blagosipe e Devleko klichisarda truial lende, ta daraile but. 10A o suecho phenda lenge:
Na daran soke anav tumenge iek lachi viasta, kai ka anel but veselia saurrenge: 11Allive biandilo ando foro e Davideko iek Braduimari, kai si o Kristo, o Gazda. 12Ka malaven e minone pachardo ande pelene, inzardo kote kai thoven e bakren, kote ka llanen kai vou si.
13Ondaka sikadile but suechura katar o miloso, kai blagosina e Devle ta phenena:
14Blagosime o Del ando miloso
¡ta pas e llenenge kai o Del volil!
15Kana e suechura irisaile ando miloso, e chobanura thode te phenen iek avereke:
Aven ando Belen te dikha gaia ezgoda kai o Gazda phenda amenge kai si te avelpe.
16Sigarde ta malade e Maria ta e Josee ta e minone inzardo kote kai guruvena e bakren. 17Kana dikhle le, phende so phenda lenge o suecho katar o minono, 18ta sa gola kai asunde e chobanonen chudisaile katar so phenena. 19A e Maria chudisali but, ta suako llive mislilape ande goia ezgoda. 20E chobanura irisaile ta blagosina e Devle pala sa so asunde ta so dikhle, soke sa e ezgode nakhle isto gia sar phendilo lenge.
O minono o Jesus sikaven le ando cher e Devleko
21 #
Lk 1.31. Pala e ojto llive cherde leke e sirkunsision ta thode leko anav Jesus, isto gua anav kai phendaia lake o suecho kana voi ni saia khamni.#Lv 12.3.
22Kana nakhle e llivesa kai von saia te chistonpe prema o zakono e Moiseseko, inllarde e minone ando Israel te sikaven le e Devleke. 23Von cherde gava soke ando zakono e Devleko si pisime kai o purvo murus kai biandola ka avel chinado e Devleke.#Ek 13.2,12. 24Llele te cheren iek kurbano sar phenel o zakono e Devleko:#Lv 12.6-8.
Dui tortole o dui gulubura.
25Ande gola llivesa saia ando Jerusalem iek lleno kai ikhardola Simeon. Vou saia iek manus but lacho, kai blagosila e Devle ta adurichare la te avel braduime o Israel. O Santo Duo saia lea, 26ta phendaia leke kai ni ka resel kai o meripe lligo ni ka dikhel e Kristo, gole kai o Gazda saia te bichalel. 27O Santo Duo cherda le te llal ando cher e Devleko, ta kana e dada katar o minono Jesus die ando cher e Devleko te cheren lea sar phenela o zakono, 28O Simeon istarda le ande pe va blagosisarda e Devle ta phenda:
29Akana, Gazda, cherdilo so phendan,
sai muke man te merav ande pas: 30Soke dikhlem me akhenchar e manuse kai ka braduil amen
31gole kai tu bichaldan
ta sa e forura ka dikhen le,
32vou si o villelo kai si te kletosarel po sueto,#Is 42.6; 49.6; 52.10.
ta ka avel o baripe katar o Israel.
33O Jose ta e Maria chudisaile katar so phenda o Simeon e minonetar. 34Ondaka o Simeon blagosisarda len, ta phenda e Mariake e dei e Jesuseki:
Gale minoneke si chinado te cherel te peren o te usten bute llenen ando Israel. Vou ka avel iek señal kai but llene ni ka mangen, 35ta gia ka llangliolpe so mislinpe suako lleno ande po lio. 36I kote saia iek porauka kai ikhardola Ana, lako dad saia o Penuel katar e vicha e Asereki. Voi saia but phuri ta zinisalia but terni, ta zivisarda pala po rrom efta burs, 37cherena ojtovardes ta star burs kai achilia phivli. Ni likela katar o cher e Devleko soke radila ollivesea ta i o riat e Devleke, allunina ta molilape. 38E Ana avili isto ondaka, dia fala e Devle ta lia te del orba katar o Jesus sa e llenenge kai aduricharena te avel braduime o Jerusalem.
Kana irisaile ando Nazaret
39Ondaka kana cherde sa so phenel o zakono e Gazdako, irisaile ande Galilea, kai po foro o Nazaret.#Mt 2.23. 40Ta o minono bariola ta cherdola mai zuralo, ta saia but bizai ta o Del blagosila le.
O minono Jesus malaven le ando cher e Devleko
41Leke dada llana suako burs ando Jerusalem kana saia e eslava e Paskuaki.#Ek 12.1-27; Dt 16.1-8. 42Kana o Jesus reslo kai e desudui burs, sa llele pe goia eslava ando Jerusalem sar sea sikade. 43A kana nakhle gola llivesa, von irisaile kai po cher, a o minono Jesus achilo ando Jerusalem, a leke dada ni thode sama. 44Mislina kai o Jesus avela maskar sa e llene, ta gia phirde sorro llive. A kana rodie le maskar pi familia ta maskar pe pinllarde, 45ni malade le. Ondaka irisaile ando Jerusalem te roden le kote.
46Nakhle trin llive kotar ta malade le ando cher e Devleko, besindo maskar e kovacha e zakonoke, asunela len ta puchela len. 47Ta sa gola kai asunena le chudinape katar leko bizaipe ta katar so phenela lenge. 48Kana dikhle le leke dada, chudisaile ta leki dei phenda leke:
Chaurrea, ¿soke cherdan amenge gava? Cho dad ta me saia amenge but briga ta rodaia tut.
49Ondaka o Jesus phenda lenge:
¿Soke rodena man? ¿Ni llanen kai si te avav ando cher me Dadeko?
50A von ni acharde so phenela lenge.
51Ondaka irisailo lenchar ando Nazaret, ta cherela sa so phenena leke. A leki dei mislilape ande sa gala ezgode kai nakhlela. 52A o Jesus bariola ios ande esnaga ta i ando bizaipe, ta blagosila le o Del ta i e manusa.#1 S 2.26; Pr 3.4.
Επιλέχθηκαν προς το παρόν:
Lukas 2: BACHRO
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
Biblia ande chib Romani © Sociedad Bíblica Chilena, 2018.