Vapositili 13
13
1Mwuvale mumpelela gwa mu-Antyokija navańamalago navamańisi, Nu-Balinaba nu-Simyoni uvi ale vi Ntitu ilitavwa ilinge nu-Luka va mu-Kilene nu-Manaheni uvi akulile luninye nu-Heloti unkuludeva nu-Sauli. 2Vavwene vwu vikumwimbila palitsuva lya ntwa unkuludeva, vwu vasilekile isinu, pwu UMepo umbalatse akavavula akata: Muńalilage nu-Balinaba nu-Sauli, vambombelage imbombo itsu ndivilagye ṅani une. 3Pwu vwu vatye nukusileka isinu vatye nukwisaja, pwu vakavavika amavoko vakavasumusa inzila.
4Avene vakagenda ijyu avasuṅaga UMepo umbalatse, vakika ukubiha mu-Seloikija. Mwu vakipaka mungalava jyu jikatsikuvavika mu-Kipeli, 5Vakatsisika mu-Salami mwu vakatsitsova inongwa tsa Nguluve nńumba tsa kwisajilamwo ava-Juta, Vakava nu-Johani, vi akava ntangili va vene. 6Pwu vakagenda ulusungu lwoni vakatsisika mu-Papu. Mwu vakambona ujyunge umunu umavi uńamalago va vunwasi un-Juta. Ilitavwa lya mwene ale vi Bali-Joswa. 7Vi ale pa Seligi Pauli undolelakilunga umunu va luhala. Vi akavilanga nu-Balinaba nu-Sauli akata nditsimańe inongwa tsa Nguluve. 8Umwene Elima, kukuta ummavi pakukilivula ilitavwa ili, vi akavamena sikutsoni ndomo vwu vitsova, ulwakuva atetsaga ndinkilivule undolelakilunga alatsidikaga inongwa tsa vene. 9Umwene USauli, uvi ilinge ilitavwa vi Pauli, adigile UMepo umbalatse, vi akandola akandungamila, 10pwu akatsova nave akata: Vi ńa-Setano uve, vi vudigile uvunwasi nuvuteki vwoni uve, vi ntavangwa va vugolosu vwoni uve vwu ugahile navulinda, sikutsoni vwita ndigonde inzila tsa nkuludeva itsigolwike. 11Ukwa ndikuvule kikukuvonaga ikivoko kya nkuludeva, vubosolaga amiho lino, vwigona tango kitalivona ilitsuva. Pwu uvutitu niṅisi jikangwila baho, akavulavula ukulonda uva kumwibata ikivoko. 12Pwu vwu atsivwene tsitsitsi undolelakilunga pwu akidika, ulwakuva inongwa tsa nkuludeva itsu vasimilitsaga tsikambona mwitumbu.
13Pwu UPauli navanine vakavuja vakipaka mungalava vakahuma mu-Papu vakatsisika mu-Pelige nkilunga kya mu-Pampilija. Umwene UJohani vi akavaleka baho, akakilivuka ukubiha mu-Jelulsalemu. 14Avene vakahuma mu-Pelige vakatsisika mu-Antyokija nkilunga kya mu-Pisiti. Vakingila nńumba jya va-Juta jya kwisajilamwo pasabati vakatama. 15Pwu vwu vamalile ukutsova pakalata va similitso tsa Mose napakalata va vańamalago, pwu aveneńumba jya kwisajilamwo vakatsova navo vakata: Ńi vajitu, pange ujyunge uńe avetsaga nakameńu ka kuvadulusa avanu ava vi atsovage. 16Pwu akima UPauli akavatina ikivoko akata: Ńi vajitu, ńi vańa-Isilaeli ṅani mukundwada Unguluve ńivoni mupulihitsage ukwa ndivavule uńe. 17Lola Unguluve va kivumbuko kya vańa-Isilaeli iki vi avahalile avatengutsi vitu, akakyimika ikivumbuko iki upwu vavetsage vahenza mu-Egipiti. Akatotsa ikivoko akavahumya mumwa. 18Imyaka gilya vagendage ndukungu gyoni imilevulo gini, pwu sikutsoni akata lya image ińiho tsa vene, sikutsoni akata lya image. 19Pwu vwu avajatsitse avapanzi isivumbuko lekelakupamato nkilunga kya mu-Kanani, pwu akavingitsa nkilunga kya vene akavagavanya vukava vuhale vwa vene, mwu vakagona imyaka vamia vani nimilevulo gihano (450). 20Vwu avingitse pwu akavapa navahiganongwa, vakatsisika pa-Samweli uńamalago. 21Pwu avene vakadova unkuludeva. Pwu Unguluve akavapa USauli uńa-Kisi umunu va kivumbuko kya Benyamini. Vi akagona imyaka imilevulo gini. 22Vwu amumitse uju, pwu akavimikila UNdaviti uńa-Isai umunu uvi ajikelye inumbula jyango, vi alavombaga tsoni itsu ndikundagilaga. 23Mumbeju jya uju mwu Unguluve akavahumihitsa umpoki avańa-Isilaeli ju Jesu nduvwu vidiṅine navo ulwidiṅano. 24Vi akavoneka vwu UJohani ahumile pakuvavulila ṅani avańa-Isilaeli voni vwu atye: Nkilivukage mwotsivwagwe. Nditsova itsu atsovaga vwu iva pakusika umwene UJesu. 25Umwene UJohani vwu iva pakumala imbombo tsa mwene, pwu akavavula akata: Uvi uńe mukunsagila mwita pange vi jujwa uńe, ndatetsaga nene jujwa. Bako pwale umwene ikwitsa mumbele mwane. Une nandinogili ukuvopola nisikato sya mmalunde ga mwene. 26Vakigo ńi vajitu uńe, ńi vańa-kivumbuko kya Abulahamu ṅani mukundwada Unguluve ńivoni, ilimeńu ilitsova itsa vupoki lyu atusuṅye uvwe. 27Mańa avatsengile mu-Jelusalemu navavaha va vene vakabela ukummańa umwene, pwu vakammiga, humbe kukwitsa vagapelye ukwitsa baho amameńu ga vańamalago agitsovwa sikutsoni pasabati. 28Napene nupwu vavonaga nijyinge inongwa ija kumbudila napene vakatekelesa kwa Pilate vakata umbudage. 29Pwu vwu tsoni itsikuntsova mwa kalata, vwu vatsipelye ukwitsa tsoni, pwu vakantumbika pakibiki vakambika mbuguli. 30Umwene Unguluve vi akantsusa umwu ale mbaswe. 31Pwu akavavonekela amatsuva mongosu voni avahumile nave mu-Galilai avabye nave mu-Jelulsalemu, Vwu lino vikuntsova jujwa vikuvavula voni avanu. 32Nuvwe vwu tugahile, tukuvavula nuńe ulwidiṅano ulwu Unguluve vidiṅine navo avatengutsi vitu 33twita: Lwu ulu Unguluve atupelye uvwe twi vana va mwene upwu antsusaga UJesu nduvwu livigilwe ndwimbo lwa vili ilita: Uli nswambango, ndikuholile ilelo iji. 34Ilyene ilya kuntsova ukuta antsusitse kuvaswe untsilakuvuja nkuvola lyu ilyu atetsaga: Ndilavapa uvuvalatse vwa Ndaviti uvutsilakwanduka lusiku. 35Pwu nandwimbo ulunge ita: Umbalatse vako nulidike ukuta amańage ukuvola. 36Umwene UNdaviti vwu avombile itsu isagye ukunsuṅa Unguluve pamwaka gwa mwene, pwu akaluta pakugona itulu jya vuswe. Pwu vakatsikumbika upwu vagonile avadadaje, pwu akamańa ukuvola. 37Umwene uvi Unguluve antsusitse vi nalumańili ukuvola. 38Vakigo ńi vajitu mutumańage ukuta tukuvavula uvusyikilo vwa nongwa. 39Tukuvavula twita: Voni avikumwidika jujwa vwu tsoni inongwa tsa vene nitsu tsavalemile ukugoloka vwu ndi musimilitso tsa Mose tsikuvuvonelaga mumwene jujwa uvugolosu. 40Mbandikage tsilavitsilaga itsitsovilwe mbańamalago itsita: 41Mulole ńi vaheluli mudegage vuvule mańa ndikuvavombelaga itsinge imbombo mmatsuva gińo. Ndikuvavombelaga imbombo itsu ndabeda nupwu ngave mupangilwa vunnonu.
42Vwu vihuma nńumba pwu avanu vakatekelesa kuvene vakata: Mwitse ntuvule inongwa itsi palitsuva lya sabati ilikwitsa. 43Pwu vwu vahambile avalundamine umu, pwu nu-Pauli nu-Balinaba vakavona vikuvakonga ava-Juta vongosu navingitsivwa avisajaga navo. Vwu vakavavula navene vakavadulusa vakata: Mwijumilitsage uluhungu lwa Nguluve.
44Pwu palitsuva lya sabati ilikongile pwu vakakwanguka vwoni uvutsenge vakasigala vuvule mpamato-mpamato mbutsenge, vakabiha kupulika inongwa tsa Nguluve. 45Avene ava-Juta vwu vavavwene avanu ukukuluka voni, pwu gukavipila mwitumbu, pwu vakamena vakanduka UPauli amadusi. 46Pwu nu-Pauli nu-Balinaba vakavavula vakaleka nukusiha vakata: Lola twikungile uvwe tutye tutengulage pane ukutsitsova inongwa tsitsitsi. Lino ulwakuva mutye nukubela ńivene mutye nukwivona ńivene ukuta nannogili pavwumi vwa sikutsoni, lola pwu nuvwe tulotsa kuvapanzi vuvule. 47Mańa lyu atulagye ilyu unkuludeva atye: Ndikupelile ukuva ńale jya vapanzi, nditye vuvetsaga va kuvapoka vutsisikaga navo ukwu kisilye ikilunga. 48Vwu vapulike tsitsitsi avapanzi pwu vakahekela vakalitsova uvuvaha ilimeńu lya nkuludeva. Pwu vakidika voni uvwu avimikye ṅani ukuta vavetsage va vwumi vwa sikutsoni. 49Pwu inongwa tsa nkuludeva tsikagenda tsikamala ikilunga kyoni kilya. 50Avene ava-Juta vwu vakavahambulanya avadala avavaha avandwadaga Unguluve navańivaha avenevutsenge vakavagongola ukuta vavaswime nu-Pauli nu-Balinaba. Vakavahumya mumpaka gwa vene. 51Pwu avene vakavatovela ulusumbe lwa kumalunde, vakabiha mu Ikoni. 52Avene avakongi vwu lukadiga uluhekelo akadiga nu Mepo umbalatse.
Επιλέχθηκαν προς το παρόν:
Vapositili 13: Kinga
Επισημάνσεις
Κοινοποίηση
Αντιγραφή
Θέλετε να αποθηκεύονται οι επισημάνσεις σας σε όλες τις συσκευές σας; Εγγραφείτε ή συνδεθείτε
New Testament in Kikinga © British and Foreign Bible Society, 1961.